女神配对计划丨周嘉全拎素描画求爱不遂 李芷晴当众决绝拒爱：冇喺呢方向谂过
发布时间：20:30 2025-06-09 HKT
TVB恋爱综艺真人骚《女神配对计划》昨晚（8日）播出首集，今集除了姜大衞儿子姜卓文被关嘉敏战斗格吸引，临阵转呔放弃追求李芷晴外，曾展望和周嘉全的出现，令叶蒨文和李芷晴大感意外，他们的表现，同感动到不少网民。
参与《铁拳英雄》及《夺命提示》、入行超过十年的周嘉全最初未有现真身，只与透露与五位女神都有合作过，林盛斌又说：「你好钟意画画，曾经画过一副画送畀一位女神。」周嘉全说：「系...李芷晴。」结果李芷晴大感愕然，接着说：「系㖞，我知道系边个，点解你嚟参加既？」可惜即使周嘉全真诚地示爱，但结果都被淘汰。
相关阅读：女神配对计划丨姜大衞儿子姜卓文被关嘉敏战斗格吸引 去年传婚讯突分手 曾遭性欺凌
李芷晴获周嘉全节目示爱：
李芷晴闻周嘉全示爱感愕然
听到女神李芷晴的发问后，周嘉全说：「 以前我遇到真心钟意嘅女仔， 我都净系识得送幅画畀佢，就算送完畀佢，我都唔够胆承认自己钟意佢。希望以后唔止系画画，时间同心机所有嘢都送畀佢。」全场女神哗然，叶蒨文和关嘉敏一度眼泛泪光，梁敏巧忍不问李芷晴：「你系咪啱啱先知？」李芷晴点头表示是刚刚才知。「花生友」森美亦忍不住说：「毛管戙呀，好温馨㖞。」戴祖仪还说：「佢（周嘉全）真系钟意佢㖞，好有心㖞。」后来李芷晴说：「感觉系好突然，我系完全唔知周嘉全系钟意我，不嬲有画开画，而佢送畀我之前，都有画咗幅男仔画畀阿 Ben（袁伟豪） 嘅，我以为纯綷系一个学术上嘅交流。」
叶蒨文被周嘉全感动落泪
周嘉全被问到为何送画一刻不马上向李芷晴表白时，周嘉全说：「𠮶阵我系同佢喺港铁站畀佢嘅，我畀完佢倾咗阵偈后，佢就话『我准备揾男朋友喇』， 我之后就冇谂其他嘢喇。」叶蒨文即被感动落泪，她觉得周嘉全很真心：「𠮶种诚意同长情，仲有好温柔。」林盛斌再晒出周嘉全的画作，李芷晴又说：「其实我一直都冇喺呢方向谂过，因为我哋都几fd，系系少少fd zone咗。」周嘉全接着大派爱的宣言：「其实（你）拣唔拣我，我一直都会咁欣赏你，而且我会相信你选择幸福嘅能力，所以我系....唔紧要嘅。」李芷晴全程心大心细、不知所措，挣扎了一大轮后，最终还是没有选择周嘉全，李芷晴眼红红说：「太突然喇，所以我需要啲时间消化一下。」
相关阅读：女神配对计划丨姜卓文突转軚李芷晴临门一脚惨食柠檬 「吴卓羲2.0」因一夜情被梁敏巧轰讲大话
TVB新咪神李芷晴获网民力捧？
李芷晴为事件感后悔
事后周嘉全说：「我觉得系有啲可惜，因为我哋由头到尾都未试过有约会，一直都系以朋友身份相处，我头先都讲过，我相信佢选择幸福嘅能力，呢一样我系真心。」李芷晴哽咽地说：「我真系完全冇谂过佢对我系有意思，所以就会变咗𠮶一刻好混乱，好似揿咗即系要同佢拍拖？喺电光火石之间，可能畀多几秒我我就会揿咗，而家都少少后悔。」事件惹来不少热议，有人说：「欣赏佢嘅勇气，正面啲睇，佢嘅参加，令到多咗人留意到佢。加油努力工作，有成就自然大把选择。呢个世界，失败系好平常嘅事。」事实上周嘉全在海选时，曾自称需要鼓起很大勇气才能公开在节目中追求女神，他曾向女方送上素描「以画传情」，可惜当时对方仍有另一半而未有开口示爱，未能与李芷晴进一步发展，搞到林盛斌忍不住肉紧反问：「问吖嘛，点解唔问啫？有几难啫？」
周嘉全做Uber司机帮补生计
周嘉全在2017年入读TVB第29期艺训班，入行后多数做闲角，于《爱回家》饰演全职侍应，他曾表示工余时间就会去做Uber司机帮补生计，感谢在低潮期得陈展鹏、袁伟豪扶他一把。节目播出后，周嘉全表示收到不少inbox打气及慰问，令他大受感动。问到当初是如何爱上李芷晴，他大方回应：「我第一次见面已经好欣赏佢。好记得佢第一套剧《铁拳英雄》、当时佢仲系实习，我就演奸角嘅手下，负责拦住所有爆炸受伤者、唔畀佢哋入医院。𠮶时有一个女同学不停咁晕低，我发现到李芷晴一直有努力去演自己嘅戏之余，亦有一直照顾紧呢一位女同学，我𠮶刻就好欣赏佢。」周嘉全（阿皮）又笑言这次被拒爱获不少网民关注会否有「反转」，对此周嘉全（阿皮）笑言：「我主要希望今次可以带到正面嘅讯息出嚟，就系遇到真系钟意嘅人，要放胆去爱，做真嘅自己，实有人会钟意你。」
