新手爸爸林德信（Alex）近来搞作多多，除了忙于音乐创作外，亦拍摄广告赚奶粉钱。

林德信密密赚奶粉钱习惯身份不停转变想尝试「父女档」拍广告

更新时间：16:15 2025-06-04 HKT
发布时间：16:15 2025-06-04 HKT

新手爸爸林德信（Alex）近来搞作多多，除了忙于音乐创作外，亦拍摄广告赚奶粉钱，自在应对不同身分的转变。广告中，Alex穿上极具弹性的恤衫做瑜伽，又陶醉弹结他，他表示：「工作上我都好多岗位，有时系音乐人、有时系瑜伽老师，去到片场我系演员，返到屋企系人哋老公同爸爸，同一日时间内身分不停地转换，所以衣着都系百搭最好。而我通常都系着白色衫，比较容易搭衬同简约。」

最爱被女儿嗲

Alex笑言已习惯凑女，表示「有弹性」的衫最为方便：「以前拣衫最紧要系好睇，𠵱家拣衫就要多埋『弹性』，因为有时抱囡囡、佢会扭嚟扭去，有弹性嘅衫就方便照顾佢！同佢玩『飞高』、比佢『嗲』真系好有满足感，即使工作几忙碌，只要凑住佢咩烦恼都会唔记得晒！」Alex亦唔介意「父女装」上阵去街，将来如有适合的机会也可尝试「父女档」拍广告，留下美好回忆。

↓立即下载星岛头条App↓