《光明大押》下周一首播 Edan开心再与谢君豪合作 感激对方倾囊相授
发布时间：16:15 2025-05-23 HKT
ViuTV原创剧《光明大押》将于下星期一（26日）起，逢星期一至五晚上9时30分播映。剧集讲述一位老字号当铺的驻店二叔公，集百家辨别真伪绝学于一身，由于老板夫妇早逝，他肩负起照顾老板一对儿女的责任，三人本来关系亲密，但却因一事而疏远。
Edan称「关俊」一角拥不同经历
MIRROR成员吕爵安（Edan）于剧中饰演当铺太子爷关俊，是一个很聪明的人，自小与练美娟饰演的姊姊关聆一同被谢君豪饰演的林定坚照顾，彼此间有种奇妙的关系，曾经熟悉过、温馨过，同时却又有些伤疤。Edan为大家介绍关俊：「佢喺i-bank度做嘢，同时佢亦都面对紧人生嘅一啲抉择，一句我喺剧入面成日讲嘅就系『拣揸跑车定系拣行路呢？』，究竟要为咗钱、名利不择手段，定系甘愿过一个普通嘅人生呢？」他认为关俊最特别之处是身边有很多不同的人：「无论系职场、女朋友，定系返到屋企对住坚叔同对住家姐，都系唔同嘅感觉。我觉得呢个系今次角色比较好玩嘅地方，因为佢可以有好多唔同嘅经历。」
Edan对典当业零认识
拍摄前对典当业零认识的Edan坦言：「从来都冇入过去当铺，亦都会觉得点解佢地仲存在嘅？乜真系仲会有人去嘅咩？所以今次都算系一个几新嘅体验，原来当铺系咁㗎㖞，到今时今日都真系仲有人会去㗎㖞。同埋我觉得今次好注重人情味，以前大家住喺附近就系街坊，就会互相支持，但今时今日的确少啲呢个感觉。」
与娟姐2次合作多搞笑场口
Edan直言今次最开心是可以跟豪哥再度合作：「上一次合作已经系电影《过时．过节》，𠮶时嘅自己好紧张，同埋都好少拍摄经验。当时豪哥帮咗我好多，佢好鼓励我，亦会倾囊相授，佢真系将佢识嘅嘢都会慢慢同我分享。」谈到与其他演员的合作：「娟姐其实都系第二次合作，第一次系剧集《大叔的爱》。再合作嘅感觉都几好笑，我同佢好多场口都会互相引大家笑，系几好玩嘅。然后仲有Fish（廖子妤），系第一次合作，都知道佢系一个好犀利嘅演员，所以之前都好期待同佢合作嘅火花。」
