《中年好声音3》李创伟揭神秘子女身世之谜 爆肌吸粉IG突破10万丨独家
发布时间：07:00 2025-04-23 HKT
40岁前亚视艺人李创伟（Catry）参加TVB《中年好声音3》中晒肌跳唱翻红，虽然20强止步，但人气急升，IG粉丝数已经突破10万大关，连「乐坛风纪」甄妮亦在社交媒体上留言鼓励。随著知名度上升，Catry再被起底，从家中经营的鸡档，到性取向及4个月内两度高调宣布当单亲爸爸，惹来热议，关于神秘「身世之谜」，有所保留的Catry只肯爆少少：「我对得住天地良心，冇做违法嘅事！」
中年好声音3｜李创伟参加《亚洲星光大道》入行
爆肌型男李创伟早于14年前参加《亚洲星光大道4 跳舞吧！》夺得季军入行，今次转战歌唱比赛却被Foul，坦言不舍得，呆在家中没有动力，失落两天，直至和「中3生」一齐去珠海拍MV，心情才好转。不过，他的进取表现却获甄妮支持，他非常感激，并透露因为由细睇TVB 节目大，现已经签约TVB，最搞鬼从冇谂过做歌手，梦寐以求反而是跳舞及演戏。
中年好声音3｜李创伟撞样周柏豪、沈震轩
李创伟获网民大赞靓仔，跟周柏豪及沈震轩撞样！亦有被狠批他只得个壳，应该一早要走，Catry就冇唔开心说：「咁梗系有人钟意你；有人唔钟意啦，不论好评、负评我都有睇，都会多谢嘅！即使佢哋唔like，都肯嘥几分钟去留言嘛。」他较有印象，有留言评论他唱《疯了》的穿窿战衣，似足芭堤雅夜场衫；甚至有网民在IG留长文，轰他唱到走晒音：「我重听多次都唔觉有走音，留言回应，麻烦佢指正走音位，点知被误会系小器、嬲猪！其实我想进步㗎。另外，见到赞赏有进步时，系开心嘅。」不过，Catry最希望大家能够看他的内涵，唔想得个壳，所以想每次表演都要有嘢畀人睇到，要不断增值。
中年好声音3｜李创伟成名后再挖身世背景
自《中声3》后，他坦言多了人识：「𠵱家叫做有啲人气，IG多咗10000个追踪，成世人都未试过有咁多人留意嘅，有啲唔习惯𠻹，试过坐港铁时，有乘客对住我做加油手势。」4年前他在ViuTV恋爱真人骚《阿女又恋嚟》中，曾诚实自爆是男同性恋者，被问到有冇男士对他心心眼时？他避忌更正：「系男女老幼都有。」提到现在成名后，神秘身世背景再被挖出，他则避谈道：「要讲嘅都讲晒，都冇乜好讲喇，都系𠮶句，希望啲人留意返我嘅表演。」Catry认为外界错焦点，会对他不公平：「其实唔止系我，就算其他参赛者都系过啲普通生活，我背景都唔系特别啫，每日咪又系咁过，要努力做嘢。我又唔系讲大话，除非有朝一日做嘅嘢得到认同，咁我会考虑坐低详述，或者留返畀自己将来写自传！」他相信，占9成半网民知道他的背景状况，会表达话OK，会支持：「因为家家有本难念的经，我屋企有我嘅问题，所以唔可以质疑人哋。」
中年好声音3｜李创伟去年两度做老窦
关于抚养的年幼子女「身世之谜」，尤其选择做单亲爸爸惹来热议，不想多讲的李创伟要补充一个Point：「我觉得做单亲爸爸系冇问题嘅，我都系来自单亲家庭，我嘅子女仲有祖父母，大家唔使担心，我嘅小朋友唔会有缺失；唯一要交代嘅，就系我对得住天地良心，冇做亏心事，就因此，我非常开心如常生活，照样同小朋友出街，去公园玩，如果囡囡长大后要参选港姐，咪由佢自己讲（身世）啰，由我讲对佢唔多公平！」
对于去年于4个月内做两度做BB老窦，追问是由代母产子，还是领养时？他依然留白：「呢啲唔答啦，系将来出书嘅流量密码。」另外，有经历的Catry眼见高菲被网民抨击「雌雄同体」，肉赤到不平则鸣，留言力挺：「大家应该讨论返佢嘅台上表现，大家都系人，冇咩唔同，同样都要食饭、呼吸、如厕、出粮、交租...既然系咁，点解唔用爱去生存？而系要互相攻击呢？」
采访：方骞平
摄影：谭志光
