汪明荃演唱会澳门站圆满完成 同家英哥台上打情骂俏甜到爆 感谢粉丝支持陪行娱乐路
更新时间：23:15 2025-04-15 HKT
发布时间：23:15 2025-04-15 HKT
发布时间：23:15 2025-04-15 HKT
字体大小
《阿姐Diva汪明荃演唱会2025》澳门站日前于百老汇舞台圆满完成，全场爆满，场面热闹。Liza姐一出场先唱出《闪烁登场》和《迷人PINK LADY》，之后她说：「多谢多谢，大家好吗？澳门嘅朋友你哋好，嚟自香港嘅朋友你哋好，嚟自内地、北京、上海、东莞、顺德嘅好多好多朋友都欢迎你哋。真系好耐冇嚟澳门啦，上一次已经系隔离嘅时候，系2022年，我记得果阵时系要隔离14日先可以出嚟唱歌。」
看到旧剧照充满回忆
她亦指：「无论喺DIVA又好，阿姐又好，汪明荃仍然系汪明荃系Liza，我都系将最好嘅一面送比观众，所以好希望大家今晚放开心情，好轻松咁听我唱歌，同埋欣赏我哋为大家安排嘅节目。」在唱过两首电视剧歌曲后，Liza姐说：「啱啱睇返好多旧剧照都充满回忆，好感恩透过呢啲作品拍咗好多好嘅剧，令到大家认识我，系呢几十年大家都好支持我汪明荃。」
家英哥唱《侬本多情》纪念哥哥
家英哥在演唱会中途登台，拿出一枝玫瑰花送给阿姐，家英哥问：「大家认为我系咪一个合格嘅老公？」此时台下掌声不断，阿姐：「哗，好多人撑你呀，大家比多啲掌声家英哥。」家英哥：「妳咁样讲法证明你有眼光揾到个好老公。」家英哥亦为观众带来《侬本多情》，去纪念张国荣。
知粉丝对汪明荃有好高期望
在Encore部份，Liza姐说：「我今日系歌手，听日可以系粤剧嘅演员，我亦都有去做一啲行政嘅工作，为业界做贡献，每一个岗位我都尽心尽力去做，因为我知道大家对汪明荃系有好高嘅期望，有好多要求，所以我系要不断改进同增值，系呢度要多谢你哋嘅支持，陪我一齐行呢条娱乐之路。」Liza最后与家英哥合唱《万水千山总是情》，为今次演唱会澳门站划上圆美句号。
最Hit
