姜涛即场试食熊猫竹叶 : 我喺度食竹又上新闻㗎啦！ Ian陈卓贤亲作「家姐细佬后援会」主题曲
发布时间：00:45 2025-04-08 HKT
MIRROR成员陈卓贤（Ian）及姜涛昨日(4月7日) 以「星级契爸」身份现身海洋公园探望大熊猫「家姐」、「细佬」，二人开直播与观众见面，席间姜涛更即埸表演试食熊猫竹叶，而Ian则预告会与姜涛合唱「家姐细佬后援会」的主题曲。
姜涛Ian齐合唱主题曲
两位星级「契爸」今日现身海洋公园，并在熊猫馆开直播，Ian就预告亲自操刀作了一首「家姐细佬后援会」主题曲，新歌与姜涛合唱，并将于4月18日出席「家姐细佬后援会成立典礼」时，首度现场合唱兼首播MV。Ian 透露曲风旋律的灵感来自上一次来探访熊猫的经验，「一入到嚟所有烦恼都冇晒，所以想做呢只歌，就系想比较轻快开心，一入咗呢首歌就所有烦恼都忘记晒，就好似见到熊猫咁。」而在旁的姜涛亦表示好耐无跟Ian合唱，非常兴奋。
姜涛险食隔夜竹
直播期间，姜涛见「细佬」大大口在吃竹子，他竟自告奋勇要求试食：「搞到我都好想试吓系咪真系咁好食？我可唔可以试一块，睇到感觉真系好正，第一次觉得蔬菜系咁好食。」未几，工作人员火速递上竹子，姜涛即笑言：「真系有㗎！我喺度食竹又上新闻㗎啦㖞，人系咪真系食得㗎 ？我见佢（熊猫）𠮶啲好有水份，我呢啲咁干嘅？」工作人员亦即截停姜涛，表示他手上的竹子是隔夜的，要拿新鲜的给他试，就连主持都表示：「估唔到呢个live可以睇到姜涛食竹子。」场面相当搞笑。
Ian笑称早餐都食「粥」
在等候期间，姜涛闻一闻竹子，即咳了几下，并忍唔住轻轻咬了一口，再表示：「咁干嘅 点咬得开！」Ian 则叫姜涛观察一下「盈盈」只吃了竹叶，并叫姜涛不要吃竹茎的部份；姜涛随即问Ian想不想一齐试，Ian 则耍手拧头笑言：「我今朝早餐都食咗粥，瘦肉粥。」终于等到工作人员递上新鲜兼充满水份的竹子，姜涛笑言：「咁客气呀，其实你有冇谂过我只系讲吓！」姜涛咬完一啖又一啖，并笑笑口静了一会，表示：「好涩啊，我唔知点形容，好苦涩嘅，闻落去有种清香味，但呢浸清香味又唔似我哋平时食蔬菜𠮶啲味，好有竹嘅感觉，其实OK嘅，就咪当食沙律咁咋嘛。」姜涛的举动引得姜糖们都疯狂留言表示：「偶像好得意」、「同熊猫争食」、「小心肚痛」等等。
最后，二人亦拎出自己的「家姐细佬后援会」会员卡，并表示于4月8日前加入后援会，即可参加4月18日的入场券大抽奖，如同时拥有「海洋公园全年会籍」的「家姐细佬后援会」会员，更有机会参加由二人带领的「星级契爸独家团」，届时更会有宝丽莱大合照，与粉丝零距离接触。
