Dear Jane成军20周年纪念 5.11-14红馆举行演唱会天台影宣传海报见一景致感触

Dear Jane成军20周年纪念 5.11-14办红馆演唱会天台影宣传海报见一景致感触

更新时间：16:45 2025-02-26 HKT
发布时间：16:45 2025-02-26 HKT

2025年是Dear Jane成军20周年纪念大日子，今日公布将于5月11至14日假红馆举行《Dearest Dear Jane Live 2025》演唱会。Dear Jane对上一个红馆骚是2021年，四位成员异口同声︰「四年冇开红馆，今次先开4场，名为＂Dearest”系『最亲爱』意思，我觉得你嚟我哋演唱会，就会揾到最亲爱嘅朋友。你哋都系我哋嘅『最亲爱』，我哋嘅歌亦都系你哋嘅『最亲爱』！入面有好多故事，整个表演会围绕住呢个主题。」

天台拍宣传海报感触

早前他们为演唱会海报选址天台及楼梯拍摄，「海报概念有啲似系一封信或者一张明信片，似系歌迷写信畀我哋，又或者系我哋写封信畀歌迷，互相分享感受、经历，呼应返我哋第一次个红馆演唱会个名，用写信嘅下款《Dear Jane Yours Sincerely Live》。海报喺楼梯影，可以话系代表住音乐里程上嘅每一步。（由楼梯走上天台系唔系完成目标？）唔系啰，哈哈！冇错，天台系一栋楼嘅最高地方，但当你人在天台，你会望到对面有更多更高嘅天台。天台风景好靓，音乐嘅里程，唔会只系停留喺一栋大厦，走完一栋楼，我哋会走向另一栋更高嘅楼！而天台应该系畀我哋间中走上嚟Take a Break，望一望呢个咁靓嘅世界，然后我哋又继续向前行。」

↓立即下载星岛头条App↓