林盛斌搬买咸碟𤓓事上台 自爆：戒买唔戒睇 跳上红馆开骚跟子华神同grade丨独家
发布时间：07:00 2025-02-14 HKT
45岁林盛斌(阿Bob)下月7日首次登上红馆大舞台举行Talk Show《The Bobfather》，「升呢」跟黄子华、林海峰、许冠文、张达明同grade！化身「Bobfather」的阿Bob会分享由家庭、事业、人生𤓓事，少少咸多多趣的自身经历，传播正面讯息。重提当年「最大灾难」被影到买咸碟事件，阿Bob自揭为免重蹈覆辙的样衰已戒买唔戒睇，现在由连结中网站揾来欧美日韩正嘢来沉浸式享受！ 采访：方骞平 摄影：罗安强
林盛斌入行22年，10年前在伊馆举行处男Talk Show《Bob’s Up》；6年后转移九展Star Hall，喺3000人场地开了第2次的栋笃笑《The Bobfather》，其后移师欧美、大马、内地巡演，尾站重返香港展开，并且跳入可容纳7000观众的红馆演出，阿Bob形容好难得，不论在票房及内容上都会有压力：「有时开车期间自言自语度稿，吓到个女追问『爸爸做乜傻傻哋同自己讲嘢？』」
人生不自量力求进
今次红馆骚是阿Bob人生里程碑，尤其见到红隧口的大广告牌，有说不完的快感，当问到会否感到好威时？阿Bob不否定：「呢个(威)唔单止系我一个人，要畀credit家人、团队、fans、身边陪住我成长嘅朋友。」可惜却被网民嘲做人不自量力！对此，阿Bob不独不介意被攻击，反而转化成正能量：「呢句系令我有好大启发，其实系讲得冇错嘅，人生上我系做好多不自量力嘅嘢，打从由新城电台Sales开始，到转职做DJ，我唔系有乜特别『墨水』，又唔系字正腔圆；到晋身电视台拍嘢，又唔系靓仔，只系恃住有少少主持天份，努力睇日韩、内地等综艺节目嚟学习…我可以留喺舒适圈度做啲无难度嘅婚礼司仪，但我要求进步，呢啲不自量力成就咗我人生。」Bob因此订立下个目标，希望今年能做一次TVB喜剧男主角，海报上企到C位！他还补充说：「可以系双男主嘅，比如跟双料『视帝』张振朗合作都好。」恨到出口的阿Bob更出埋口术：「希望曾总裁(曾志伟)、曾励珍、乐易玲畀个机会呀。」
少咸多趣有啲踩界
《The Bobfather》中内容不乏家庭篇及由出生到成长、工作等血泪史，包括在婚礼活动上婆媳间的所见所闻；还会以嬉笑怒骂式讲到老婆黄乙颐（Pearl）生仔过程，他事先张扬：「部份内容会有少少咸多多趣，故事既踩界又有共鸣。」另外，又会挖返啲𤓓事，分享被人以难听花名攻击的回应；甚至酒后闹事、买「四仔」咸碟等。被追问还有冇买咸碟时？阿Bob亳不遮瞒只是戒买唔戒睇：「身边朋友叮嘱我唔好再买，佢哋畀连结我入去网站睇，入面揾来欧美日韩台等正嘢，随个人喜好选择睇有冇格仔，大细格仔都有…𠵱家唔使担心，可以戴住耳筒喺床上沉浸式享受！哈！睇完同老婆讲『嚟喇！』」阿Bob指老婆虽然唔会一齐睇，但唔介意他自己Enjoy。
大方送女儿安全套
对于16岁大女林霏儿带男友回家拜年「见家长」一事，引来不少圈中好友爆笑留言，其中汤洛雯笑言：「入厨房收埋啲刀先。」朱智贤表示：「揾人绑住你对手。」戴梦梦也指：「收埋把铰剪。」阿Bob却笑笑口回应：「黐线！」不过，他坦言亦有向女儿男友做训示：「我叫佢大个仔(同样16岁)要有责任感，唔好做啲古灵精怪嘅嘢。」作为开明爸爸的Bob可有传授囡囡性知识呢？阿Bob却显得有点避忌：「使鬼教咩！佢叻过我啦，唔好提呢啲，大个啲先啦。」最后不失搞笑本色说：「唔使花钱买袋(避孕套)，我柜桶有几包！」
