刘沛蘅呻相差9年演姐弟恋难投入 同ANSONBEAN拍咀戏险受伤丨独家
发布时间：07:00 2025-02-06 HKT
33岁刘沛蘅（Hillary）和24岁ANSONBEAN（陈毅燊）在ViuTV剧《老是常出现》，首演一对，还有咀嘴和床戏，但拍咀戏竟因大用力差点受伤，Hillary又呻相差9年姐弟恋难投入。而初次跟一班前辈合作，他们由紧张到得闲约饮茶，合作相当愉快。采访：杜杜 形象:June Chow(Hillary) 发型:Derek Li@Xenter Salon(ANSON)、Seiko@hair culture(Hillary) 化妆:Zoe Fan(ANSON) 服装:Dolce & Gabbana(ANSON)、Isabel Marant(Hillary)
Hillary和ANSONBEAN虽然同公司，但合作演戏是首次，他们互赞对方是好对手，Hillary很欣赏师弟的自律，「佢比较跳脱，好在意佢嘅外在，总之见到肌肉，佢开机前会做足准备，空档会走去健身，几勤力小弟弟。」ANSONBEAN赞师姐口齿伶俐，思路清晰，「佢任何时候都非常有组识脑转得好快，围读时一路读一路调整个戏，睇得出非常专业。
同前辈合作有压力
剧中Hillary跟ANSONBEAN大谈相差1年姐弟恋，但现实Hillary大足9岁，她坦承好难投入，特别是两人的咀嘴戏，比起拍另一场床戏更困难，「我唔系几接受到姐弟恋，抽离咗个角色当佢好似细佬咁，佢又系师弟，感觉上保护去凑住佢，要拍呢场戏有啲怪怪的，比起场搞笑嘅床戏，呢场反而难投入。」她拍这场戏还差点受伤，「佢系强吻我，一揽埋嚟就锡，撞到我面容扭曲，拍咗几次都牙撞嘴唇好痛。」ANSONBEAN就解释事前不用向女友张天颖备案，「套剧系2022年8月拍，𠮶时未识，但将来要拍都会讲声，尊重嚟。」
讲到初次跟一班前辈合作，两人难免会紧张，Hillary说：「开头未熟，刘老师（刘江）唔笑个样又几严肃，好惊佢哋觉得我唔专业，系啲压力，但之后大家对戏有商有量，食饭佢哋又会讲吓以前点拍嘢，气氛缓和晒。」ANSONBEAN更跟前辈「打」一片，「雷哥（张雷）有好多故事，会同我分享玩电单车，又会骚吓佢啲武功，我哋得闲仲会约饮茶，拍摄时好多谢各位前辈畀个好舒服嘅环境畀我哋去演。」
