193为入戏幻想胞妹畀姜涛害死惨变浮尸 拍《无用的谎言》求突破主动要求演癫佬丨独家
发布时间：07:00 2025-01-06 HKT
193（郭嘉骏）@ERROR在改编自韩剧的《无用的谎言》中，饰演为妹报仇穷追不舍，外表潦倒行为癫狂的「高嘉豪」，他自爆求突破主动要求演此角，还不介意造型极丑，又盲又有疤痕兼头发劲油。他笑言为投入角色情绪，在脑海中胞妹郭嘉盈是死了很多次，更靠幻想胞妹是姜涛前女友，却被姜涛推落海惨死，变成烂面浮尸。采访：杜杜 摄影：林宾尼 形象:Lok Fong 发型:Harris Lai@Chic Private I salon化妆:Cori Wong@Annie G. Chan Makeup Centre 服装: Mastermind WORLD、Both Paris
193谓最初安排试镜时并非做「高嘉豪」而是其他角色，但他认为太本色演出，所以极力争取此机会，「本身casting系啲靓靓仔仔偶像角色，原著就系coffee shop里面𠮶个同埋歌手嚟，但我不甘于太似现实嘅自己，想做啲比较有突破性啲。」他又直言好有自知之名，「真心话系人都想做主角，但系呢个系姜涛，争唔到㗎嘛！」
造型令姜涛认唔出
193认为演「高嘉豪」也不错，但唯一顾虑是年纪跟韩版分别太大，「原著哥哥系40几岁阿叔嚟，但导演觉得我做冇说服力，青靓白净，年纪又唔老，唔会说服到观众，演技几好都冇用。」他跟导演沟通后认为可加点缺陷给角色，「本身话跛脚，但系长期有打斗会冇说服力，倾倾吓不如从外貌着手，令到观众一睇，唔使演技都觉得惨。」于是设计年轻时皮肤粗糙，年纪大时缺陷更多，「我幻想佢系炒散，冇专业技能就做地盘，喺地盘工业意外，令到只眼有一边睇唔到嘢，我要长期戴住只白色con，面度多咗几条疤痕，成块面好粗糙，头发好似10日冇洗咁超级油。」这造型不单令他放下193身份，更有助他演绎，「我第1日见到阿姜（涛），佢唔认得咁滞，咁样几好，亦都帮到自己入戏，化完妆就会觉得呢个人好惨，想同情佢。」
易冲动爱为妹出头
拍摄时，193最难应付是跟姜涛一齐拍动作戏，「我同阿姜搏斗得最多，佢同我份量都有番咁上下，我又搬唔郁佢，佢又搬唔郁我，我哋每次搏斗都超级攰。」本身跟阿姜好老友的他，要投入对方是杀妹仇人时，就要靠无限幻想，「角色系好锡阿妹，因系唯一亲人，我就幻想阿姜系渣男，以前系我阿妹个ex，系阿姜杀咗我阿妹，唔系戏入面个妹Alice（许宝恒 ），而系谂住自己个妹，所以我阿妹喺记忆中系死咗好多次，直情每次见到阿姜就幻想佢推咗我阿妹出海，我阿妹系条浮尸，流晒血烂晒面，得返对鞋喺沙滩。」不过他坦言不敢跟胞妹讲，「绝对冇呀，费事畀屋企人知道。」戏内为妹妹报仇可以不惜一世，现实胞妹有事他一样会出头，「我个妹有发明星梦，之前佢畀啲公司呃，我知道咗想出面，够胆恰我个妹，我系黐线嘛！会直接出post 数臭间公司，但有啲中间人叫我唔好咁冲动，帮我搞掂，唔想我又有新闻，其实我性格同角色一样冲动，只不过剧入面用暴力去解决，现实193唔会用暴力，最多系用言语去解决。」
新1年望出更多歌
193坦承自《季前赛》后，领悟到做演员的真正意义，「反而想将我感受传递畀观众，《季前赛》系个好例子，观众会同我一齐喊，希望呢个角色观众同我一齐唔开心，最尾同我一齐释怀。我宁愿令观众记得，令观众戥我唔开心或者同情我，好过多戏份，但观众未必代入到。」越来越爱演戏的他，若要在歌手和演员身份二拣一，他都宁愿选后者，「可以同观众一齐经历好有趣，好enjoy每做一个角色，经历咗一次人哋嘅人生，而令到我有其他反思同感受，好有趣，同埋有啲嘢宣泄唔到，原来角色可以帮你宣泄，当然唱歌都钟意，歌嘅参与度同创作性高好多，但二拣一会拣演戏。」讲到新1年愿望，他希望有更多演戏机会，最想演黐线佬角色，「想做啲天生唔知点解会short咗，好似《JOKER》本身有精神分裂症咁，畀我将内在嘅黐线发泄晒出嚟。」音乐方面，他嫌2024年出得《B出口》1首歌太少，2025年望有所改善，「我plan系有3至5首歌，同埋全部嘢都一定要自己参与。」
