秦煌两度跌倒入院 转卧床便溺：唔怕冇尊严 回复精灵兴奋期待二月80大寿 丨独家
发布时间：07:00 2024-12-31 HKT
79岁行动不便的秦煌入住护老院半年，最近却两度跌亲，伤及头部及盘骨送院，身体状况令人关注！现已痊愈的煌哥眼仔碌碌回复精灵状态，还不时笑住高举胜手势影相。不过，两次意外后令林院长十分紧张，院方不放心他再单独去厕所，现在于80呎的单人房内加添了小便桶；大便就在床上瞓住屙，煌哥放松道：「呢度院友全部系咁，唔会冇尊严。」 采访：方骞平 摄影：朱伟彦
近日天气转冷，然而住在护老院的秦煌身心都温暖，除获子女定期探访外，院方将「明星院友」由原先住开的布帘大房，「升呢」搬到80呎VIP独立单人房，房内有冷气、暖炉、还有床头柜及饭桌，煌哥于床头柜上放了私伙迷你电视；连衣柜都是私伙嘢，由煌哥自掏腰包花了$300添置，将衣物放得整整齐齐，墙身则贴出多张他的经典剧照，包括《射雕英雄传》经典角色「周伯通」，居住环境算是舒适，煌哥说：「单人房全院仅得一间，月租本要2万，但院方好好畀我入住。」煌哥指，女儿帮他申请到政府资助，经已买到老人院宿位，每月只须付$1600，而他依然有$4,000综援。
精神健康算OK
剪了短发的秦煌换上长袖衣服精神爽利，他笑住举起胜利手势，然后「选择性」交代出事经过：「当日去厕所时，唔知点解双手唔够力支撑，坐落马桶时就跌咗落地，跌亲𠮶一刻痛到大叫求救，真系好惊呀！好彩骨冇裂，只系花咗少少，医生要求我留院瞓床20日，但医院夜晚冇人理我，住咗10日自行申请离开。」带点固执的煌哥解释说：「食咗止痛药都唔再痛，应该冇乜大碍啦，否则医生唔会安排半年后先返去覆诊啦。」至于另一次意外在房内发生：「因为起身去厕所，踢到厕纸胶袋跣亲，个头撞埋墙角流血送院，照过磁力共振话冇事。」问到两次意外时间？煌哥只推说是好耐之前的事，但那日出事就不记得。问到受伤时有冇慨叹家人不在身边？他表示子女有他们的屋企，一直都不在身边。住了4间医院的他，坚持返院舍最好：「出返嚟食得好啲，瞓返够就精神爽利，乜事都冇，𠵱家感觉仲好过以前，精神健康好OK，最紧要对眼精灵。哈...我食得、瞓得、屙得。」他指发黑双脚的伤口已转好，心脏也没问题，唯独过重行动会辛苦些。
用尿片唔舒服
经历意外后，煌哥嘅大小二便都转入房内进行：「𠵱家床边设有小便桶，『开大』嘅话瞓喺床度屙，由职员先喺床上铺好胶布，屙完由佢哋嚟执手尾。哈…我又唔系日日有得屙『大』，隔3-4日一次。」煌哥随即否定这样会失去尊严：「咁过程中又冇人睇住我嘅，呢度院友全部系咁㗎，我反而接受唔到，长时间着住屙咗几笃尿嘅尿片，咁样会唔舒服，𠵱家咁样解决都OK，叫我入返厕所反而唔多习惯。」
怀念内地情人
原来秦煌冇通知内地情人Mary跌亲：「最近佢有微信我，话我听『我哋交往咗20年啦。』唉！我都冇回复佢，因为冇嘢同佢讲，不过，我一生中最开心系同佢喺深圳同居嘅日子，由佢买餸煮饭照顾到我…」此刻煌哥笑住重拾美好回忆片段：「Mary好精㗎，学晒我啲厨艺后就唔畀我入厨房…但呢啲系以前嘅事。」他又兴奋道：「𠵱家我要睇将来，等多2个月，明年2月中系我80岁大寿，生日愿望迈向90岁。」煌哥最想同屋企人开开心心，简单食饭庆祝。问到会否想Mary和他庆生？他带点无奈道：「反而想多啲自己以后嘅事，又唔想系要划清界线，我要做嘅嘢都做咗，包括喺湖南买咗楼畀佢，有时都会畀$2000-3000佢，有能力咪畀少少佢啰，但如果叫佢两母女落嚟，就要畀$10000交通费，未计额外使费。」对于87岁患肺炎的余慕莲(鱼毛)话自己「唔襟摆」，对此煌哥不认同说：「自己判自己死刑？」他指鱼毛个人都好灰：「佢喺TVB都冇好过啦，成日做垃圾婆成日畀人笑，我为人就好乐观，𠵱家等紧大寿，回顾过去最遗憾系一个疫情冇咗工作，令我丢咗事业。」
