《异空感应》陈家乐娇俏助手何沛珈掀剧情高潮！将与老鼠曱甴激斗陈尸后巷：拍完踎坑渠边冲水
发布时间：20:00 2024-12-17 HKT
TVB热播穿越剧集《异空感应》（Call of Destiny）由陈家乐、陈晓华、阮浩棕、谭凯琪、陈嘉辉、龚慈恩、彭翔翎、鲁振顺、文雪儿、何远东及樊亦敏等主演。随着《异空感应》剧情即将进入结局篇，昨晚一集结局篇关键人物之一的何沛珈出场，而今晚（17日）一集，「方日进」陈家乐、「邢可岚」陈晓华认定「Duncan」阮浩棕之前对他们有所隐瞒，陈家乐更预视到阮浩棕发狂暴怒的情景，希望了解阮浩棕的一切，陈家乐找精神科医生杨家图及Candy查问，得知更多有关阮浩棕过去的秘密！
异空感应剧情掀高潮
《异空感应》剧情将会有突破性发展，阮浩棕饰演的「Duncan」，因为与生父「邢有山」陈嘉辉相认而不相见，激发了阮浩棕的痛，一方面亲近生父、但亦害怕破坏生父美好家庭。不过接下来的剧情继续高潮迭起，饰演陈家乐担任讲师助手的「Ada」何沛珈，虽然出镜率不算太高，不过她离奇被发现死于后巷，掀起了另一个高潮。
相关阅读：《异空感应》25集剧情懒人包 线上看最新剧情发展 陈家乐、陈晓华主演TVB穿越剧
异空感应丨何沛珈离奇被发现死于后巷掀另一高潮：
何沛珈第一次拍动作场面
对于下周剧情的发展，何沛珈接受《星岛头条》的访问时说：「我唔可以讲系边一个杀死我，就系想畀观众去估，但今次真系难忘，除咗系第一次拍动作场面，现场有武术指导黑哥，咁其实佢都好锡住我嘅，只不过我真系零经验，我自己唔系好识就力，又或者摆乜嘢甫士去保护自己，所以第一take佢讲完，但系身体自然反应都系挞咗落去，撼到个头，搞到个到肿咗。」何沛珈还说：「 同埋我亦都第一次喺一个比较污糟嘅环境下拍摄，因为拍摄嘅环境系凌晨时间嘅后巷，老鼠曱甴出没嘅时间，系见到有曱甴会喺你身边行过，虽然我本人唔系话咁惊曱甴，但系当佢喺你身边行过你又唔可以郁嘅时候，其实都咪话唔惊，唯有想像自己真系条尸体。」
何沛珈不介意去污糟环境拍戏
何沛珈又称拍的时候撞正新年：「新年流流就死呀，不过佢哋都有畀返利是我，收工嘅时候踎喺个坑渠边就咁冲水，真系又冻又难冲，但其实我觉得有呢啲经验，都几好，我唔介意去污糟嘅环境或者怕辛苦，甚至乎其实啲镜头根本就睇唔到我个样，成面都系血都认唔到系边个，可能觉得系公仔。」
何沛珈开心见到多人关注剧集
自从剧集出街后，网上不少人觉得《异空感应》的题材新鲜，何沛珈亦有留言网民的留言：「我都好开心见到套剧咁多人关注，我都有留意小红书呀，大家都有讨论我哋嘅『男男CP』 ，估唔到男仔同男仔咁有Market。本身都担心呢套剧喺假期前后播，会唔会太Heavy，大家未必会特别钟意，但出到嚟反应又真系几好㖞，虽然其实我系呢套剧个戏份唔重，但系呢一套系我同监制Amy 姐（王心慰）第一套合作嘅剧，亦都系之后同佢合作嘅第二套剧，佢畀咗一个好有发挥嘅角色我，我有见到有人喺我𠮶度留言就问我，其实我系咪大Boss，亦都有人系咁期待我几时会再出现，大家放心啦，圣诞我就会出嚟见大家㗎啦。」
相关阅读：「东张女神」何沛珈桃红泳装体态撩人！率领多位索港姐晒身材 展现诱人女人味
何沛珈入行靓相重温：
相关阅读：异空感应丨何沛珈与绯闻男友拍剧唔尴尬 阮浩棕坦认二人了解中
何沛珈坦言对奖项未有想太多
至于会否对下月举行的《万千星辉颁奖典礼2024》有信心？何沛珈坦言未有想太多：「唔知系咪因为上年系第一年入十强，所以上年自己都有啲期待嘅，但系今年有一个心态上嘅改变，因为回顾返今年做过嘅嘢，都真系好多机会，比起争奖我更加想向畀机会我嘅人表达感谢，同埋都好想嚟紧畀观众见到我已经唔系初初入行咁，因为我呢几个月唔系咁多作品出街，但系我去到九月为止都系冇停过，然后就开始入剧组啦，所以就比较少喺综艺同大家见面，有啲人会觉得年尾点解唔见你嘅，但其实我今年已经同大家见咗好多．除咗今年亦都机会不断，亦都吸收咗好多人畀我嘅意见，例如系关于声线运用啦，改善懒音，演技上嘅提升，所以比起争夺奖项，我觉得希望嚟紧可以大家留意到我一直努力作出嘅转变，无论有冇奖都好，对我嚟讲有冇人睇你嘅节目更加重要。」
