刘青云肉赤「囡囡」瞓棺材演出向导演投诉 翁子光踢爆演《爸爸》挞着真父爱丨独家
发布时间：07:00 2024-12-05 HKT
刘青云在翁子光执导新作《爸爸》首度合作，饰演真人真事改编、弑母杀妹儿子的父亲。青云被故事打动首肯演出，在现场亦被戏中「家人」触动，在拍摄现场一改作风，主动倾闲偈吹水，增强「家人」关系。翁导更踢爆青云拍摄时，对一对仔女动了真情，因肉赤「囡囡」要瞓棺材演出，一度向导演投诉：「你唔使摆佢落去我都演到！」采访：杜杜 摄影：朱伟彦 场地:The Mira Hong Kong
翁导以2010年「荃湾享和街弑母杀妹案」作为故事蓝本，最初是受聘写剧本，但完成后却不舍，「我花咗好长时间求个导演，不如畀返我拍。」因案发地点跟他家只相隔一条街，对故事特别有感觉，「𠮶个生活环境、阶层，算系比较小巿民状态，反而唔系咁奇案，系个家庭伦理故事，虽然系惨剧，但好日常，好大部份画面系好轻松，呢个系我想做，喺电影度揾啲生活真谛。」他执导和编剧过不少惨案电影，他坦言不想再做「专业户」，「我心理系健康，有人问我家庭系咪有咩问题？系非常之健全，正正因为咁，见到啲惨案会比较大惊小怪，会谂多啲人喺故事裹面嘅嘢，我都希望尽快摆脱呢个标签，哈哈！」
原型「爸爸」提供资料
翁导接触过案件中的「爸爸」，对方亦提供很多资料给他写剧本，而为何选青云演出？他解释是凭直觉，而跟青云倾谈后，发觉观点有很多共通点，不希望故事太煽情。不过青云就笑翁导，「相信你唔系好多人拣啰，哈哈！我从来唔会谂点解导演会揾我去拍呢套戏，亦唔会去问，第1知嚟冇乜用，第2问佢未必会好原整去表达。」翁导笑指，「未必会讲真话！」拍摄前翁导没刻意安排青云跟原型的「爸爸」见面，「佢同我哋讲咗好多佢嘅故事后，已经有足够元素去做作品，好多人问我哋有冇得到事主同意？我哋冇第1时间讲电影系启发自呢个案件，就系唔想对当事人有太多打扰。」翁导又指当事人亦知电影将上映，「同佢有好好嘅沟通，佢都祝我哋顺利。」
青云接拍电影因很喜欢剧本是非一般，「唔系啲正与邪、对与错，或者一啲社会控诉，其实成件事冇得去揾边个去闹。」剧本用很少对白交代剧情，亦是吸引他的原因，「有啲嘢未必可以讲到出嚟，喺我哋成长演出嘅年代，成日都讲最好嘅对白就系唔好讲，现实生活好多时都系咁，相信观众睇时会好明白，呢个人点解会变成咁，感受到佢发脾气、唔开心、孤独，系完全理解。」跟谷祖琳继2009年《再生号》后再合作，并首演夫妻，青云力赞对手，「佢系好实净嘅演员，唔觉得佢有演过啲咩，就系𠮶个人，最好演出就系咁。」
创造善良片场环境
戏中有不少家庭温馨相处戏份，触动到平时好似cool爆的青云，「见到屋企人、啲仔女嘅时候，大家关系系好close，但又唔系揽头揽颈𠮶种，望住个仔，会发现又真系几似谷祖琳㖞，哈哈！大家就好似一齐生活咁。」他又指故事是悲剧，但拍摄过程并非经常浸淫在悲伤中，「我拍呢部戏几开心𠻹！认识到咁多新演员，成队crew我都未拍过，导演提供咗好好嘅工作环境畀大家，令大家好放松、好舒服、好自由去演。」翁导认为善良的片场环境是青云一手创造，因台前幕后见到青云难免会紧张，「呢个策略相信佢花咗好多心思，有人同我讲刘青云喺现场系唔讲嘢，但今次佢对小朋友、小谷会畀好多提议，或者释出好多善意，会同我哋倾好多闲偈，制造日常感。」
不过青云认为真正制造「家」的感觉，反而是戏中一对小演员，「佢哋演出方法好自然好舒服，留意佢哋见到我会点，个仔最初系有少少拘谨，男仔嘛，但个女就冇乜，可能个女唔知我系边个，哈哈！」翁导笑着话：「佢冇睇《孖仔孖心肝》（1990年TVB剧集 ）啫！但有睇《明日战记》嘛！」青云又认为一对「仔女」经常爆肚演出，令到家庭戏更「和睦」，「两个小演员可以好随意，将啲对白乱咁讲，哈哈！或者改咗对白，作为一个老窦我咪由得你讲啰！总之讲得唔啱，咪话『咁讲系咪唔系几好呀』。」翁导又踢爆「青云爸爸」对戏中仔女更动了真感情，「讲多个小秘密，刘青云喺片场系冇发过脾气，只系有一次，有场戏拍殡仪画面，小演员要摆喺棺材度，后嚟画面我系冇用到，讲刘先生瞻仰遗容，个小朋友本嚟玩咗成晚好开心，但瞓咗落棺材后起身就喊，刘生走过嚟同我讲咗一句，『其实你唔使摆佢落去我都演到』，佢又唔系嬲嘅，但系对个女真系有爱，肉赤呀！佢话我时我心谂都系拍戏啫！原来佢呢个爸爸肉赤！」青云表示当刻明白到，当事人冇办法接受事实的心情。
相关新闻︰刘青云《爸爸》蓝本「荃湾享和街弑母杀妹案」 品学兼优15岁少年 「杀人救地球」
