40岁陈倩扬Fit过做女再出书分享食住瘦技巧继续教育市民减肥唔使挨饿最重要食啱嘢丨独家

更新时间：08:00 2024-08-03 HKT
发布时间：08:00 2024-08-03 HKT

6年前陈倩扬诞下𡥧女陈希桐后，体重飙升至超过130磅，全靠自创低碳水化合物，又食得饱肚餐单，3个月内激减20多磅。多年来倩扬keep返做女身材，并连续4年推出「减糖饮食法」系列著作，陈倩扬更为细细粒(陈嘉佳)打气，强调每人都可以由饮食开始经营健康。采访：方骞平

陈倩扬连续4年出书推广健康落磅，今年新书主题《图解精读饱住瘦攻略》，图多字少务求一睇就明。之前陈倩扬更快闪返港出席签名会，分享唔少励志故事。她最记得有一位74岁嘅读者跟她健康饮食4年，一直都冇三高，每次body check都被医生赞，仲感染埋身边嘅长者朋友拣嘢食。又有好多婆婆嫲嫲睇完书后，会煮畀仔女及孙仔孙女食。

40岁倩扬keep返110磅。

6年前陈倩扬诞下𡥧女陈希桐后，体重飙升至超过130磅。

2009年参选港姐时，跟胡杏儿到北海道着泳衣拍外景。

陈倩扬育有子女。

纠正减肥错误观念
倩扬最高兴越来越多年长读者开始理解减糖概念：「目的唔系为咗减磅，而系识得拣啱嘅食物，无论屋企煮定出街食都可以食精啲。我成日都话要搣走好多减肥迷思，觉得减肥要节食、食少餐就瘦、食白烚嘢唔可以有调味唔可以有油…其实全部错晒，拣啱嘅嘢食，可以食得好满足，同时落到磅，再加埋运动，健康可以自己经营，管理每一日放啲乜嘢落口唔困难，只系好多人都未有决心开始，觉得要挨饿就坚持唔到，其实唔需要挨肚饿，我相信每人都做到由饮食开始经营健康。」

多菜少肉、戒精制淀粉和精制糖系减肥要诀。

可以食雪糕。

「减糖饮食法」都有好多选择。

示范整无面粉吧热香饼。

对于细细粒激减过百磅，陈倩扬亦有留意，她表示都系使用低碳饮食或者减糖饮食概念，减少精制淀粉，精制糖，进食足够蔬菜、蛋白质，同埋优质嘅原形淀粉质，7分饮食3分运动，也要饮足够嘅水。另外，再进修媒体制作电视电影Valedictorian荣誉毕业生的陈倩扬自言无论煮食，健康、扮靓及f养生等节目，甚至拍剧都有兴趣，可以度期演出。

↓立即下载星岛头条App↓