东张西望丨76岁老翁被子女棒打鸳鸯以死抗议？内地妻承诺养家何伯：冇娶错老婆

更新时间：22:50 2024-05-06 HKT
发布时间：22:50 2024-05-06 HKT

TVB节目《东张西望》昨晚（5日）报道一名76岁老翁「何伯」丧妻9年后，结识一名年轻逾30年、有位18岁儿子的内地女士后闪婚，惹来五名子女不满，何伯细女更调走联名户口中的450万元，疑以此举防爸爸受骗，但却令一家人反目。今晚（6日）《东张西望》继续跟进事件，何伯除了再于镜头前展示与内地妻深情一面，更被太太指曾寻死！

东张西望丨老翁娶内地妻决心长相厮守？

何伯闪婚后，被子女得知新后母要求何伯打本100万元做生意，深感爸爸可能受骗，于是将联名户口内的450万元取走，疑以行动防爸爸受骗。但何伯与银行就联名户口提取储蓄时用「单签」还是「双签」的问题争论不断，另一方面何伯多次找子女都未获理会，何太都心疼老公被子女离弃，在今晚《东张西望》中，何伯太太更多番爆喊。

何伯染新冠子女不闻不问

何伯表示近来曾多次致电给子女都没有人接听，而早前何伯染上新冠肺炎，子女亦不闻不问，对于供书教学多年得到如此回报感心痛。但何伯仍感恩太太在身边陪伴，他表示：「冇呢个老婆喺度我点算？边个服侍我呀？」何伯亦心疼太太被他的子女辱骂，何太表示：「佢哋搏命闹我，闹到我都怕咗，都唔敢再听佢哋电话啦！佢哋闹我『姣X』、『臭X』、『大陆X』，仲有死八婆咁啰！我即刻Cut线就算，我一句都冇出声。」何伯表示：「佢哋咁样闹法我都好伤心。（大女）又话同我斩缆，又话同我揽炒呀咁！老窦几十岁……揽炒？你咁后生同我揽炒？我咪咁话佢啰！后尾佢又唔听我电话。」何伯指大女曾在凌晨12时至清晨5时无间断打50次电话给他，未知是出于关心还是想滋扰，甚至用讯息出言侮辱：「我亲爱的父亲，你死咗未？咁耐都唔复电话。」

何伯二仔换门锁

何伯现时居于太太家中，但其实他未搬家前是住在二仔家中。但因为何伯坚决跟何太闪婚，5位子女都以行动与爸爸划清界线，除了不听电话，二仔更将家中门锁换掉，令何伯无法回家。这日《东张西望》跟随何伯回二仔家中想取旧文件，但开不了门，何伯表示：「有我啲杂物、有褛、有衫，喺我间房度，锁住晒，攞唔到。我早15日前仲同我而家个太太返过嚟，同我攞过些少嘢，咁而家换咗锁啰，返唔到入去喇！」

相关阅读：东张西望丨8旬老翁出轨搭上泰妹离家出走！与印佣三人同居最后竟闹上法庭

何伯细女拒见何伯

至于何伯细女，据何伯指她调走定期存款内的450万元之后，没有听电话，上门亦拒绝见何伯。何伯带同《东张西望》到细女工作的医院等待，但都未能成功见面，何伯表示：「佢好冇人情味啰！3月份我哋去揾佢，喺佢门口啲椅坐喺度等，等到佢喺间房度出嚟，打个招呼话有啲偈同佢倾吓。咁啱我老婆喺度，我老婆笑笑口对佢好好礼貌，点知佢双眼瞪实我老婆，即系好似想杀人咁。」最后细女更表示要报警，拒绝与爸爸沟通。而细女老公接到外父电话，亦用粗口「回敬」长辈。

东张西望丨何伯与子女反目前情提要：

何太心疼老公

何太对于老公被子女离弃都大感心疼，受访时多番落泪，「好难受，又心疼我老公夹喺中间，佢啲仔女又咁样对佢。佢唔应该受呢啲苦呀嘛，佢人咁好。佢哋唔锡我都锡吓佢呢个老窦啦！」何太曾劝老公回到子女身边，岂料何伯服过量药物入浴室独处想轻生，何太边哭边表示：「佢后尾顶唔顺，成口都系血，佢顶唔顺就自己拉开度门，我一睇到，问佢做咩。我走入去，个缸全部系血。𠮶时我都唔知点算，我话『你唔可以死，你死咗，第日……你啲仔女嚟揾我算帐』。佢如果真系死咗，我就成咗罪人。」

何太承担照顾老公的责任

何太指虽然她明白社会有好多人行骗，但她坚称对何伯是真心：「有啲人畀人呃咗啲钱真系好惨，但我唔会啰！」何太更表示会承担起照顾老公的责任：「我有一啖饭食佢就有，我唔会畀佢饿亲。生意失败嘅话我都会打工养佢，佢唔使忧喇！」而何伯亦选择与太太继续生活，他表示：「嚟咗咁耐，佢服侍我咁耐、照顾我咁耐。呢个老婆真系……证明我冇娶错呢个老婆啦！」

防止自杀求助热线：
「情绪通」精神健康支援热线：18111
香港撒玛利亚防止自杀会： 2389 2222
生命热线： 2382 0000
明爱向晴轩： 18288
社会福利署： 2343 2255
撒玛利亚会热线(多种语言)： 2896 0000
东华三院芷若园： 18281
医管局精神健康专线： 2466 7350
赛马会青少年情绪健康网上支援平台「Open 噏」：http://www.openup.hk

其他文章：

东张西望丨内地女与已婚港男互相借种生B发展出真感情爆「小四」后男方失踪来港寻人

东张西望丨52岁女发展不伦恋被家暴！男友呷醋拉脚秤起暴打涉事男：佢用头袭击我

东张西望丨74岁失婚伯伯寻41年前偶遇女学生盼再见面：我会尽一切畀你幸福

《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

紧贴最新最快新闻资讯，请立即下载星岛头条App：https://bit.ly/3Q29Vow