两代歌手踏主场馆舞台同兴奋冀未来开个唱

更新时间：03:00 2025-03-02 HKT
发布时间：03:00 2025-03-02 HKT

　　首次踏足启德体育园主场馆演出，容祖儿在表演后向《星岛头条》分享谓：「好荣幸、好兴奋，可以喺舞台上面望住呢个Stadium。感觉好新鲜，场地好大，就咁行都真系几索气㗎。音效都好好，唱咗《越唱越强》，都有特登重新编曲同排舞。」被问到是否想在体育园主场馆开演唱会，祖儿坦言：「一定会想，都一定好玩，同埋喺呢啲户外嘅场馆，睇就睇得多，所以期待自己可以喺呢度有一个属于自己嘅演唱会。」
「觉得呢个场馆好震撼好大」
　　Gin Lee李幸倪演出后表示：「表演嘅心情系非常之兴奋同埋期待，直到升降台升出嚟见到全场坐满咗咁多观众，原来都系会有啲紧张，但系好快就返番去好享受呢个舞台。因为今日只系唱一首歌，所以我都要好好把握每一分每一秒喺呢个台上面嘅感受。好开心今次可以同大家第一时间去感受呢个场馆。我觉得呢个场馆好震撼！亦都好大！见到有咁多观众喺度，个感觉系『哗！』好震撼。非常希望自己都有机会喺呢度开骚，如果喺呢度开骚，我已经有好多谂法，呢个场咁大、咁好嘅一个地方，有好多发挥嘅空间，例如可以设计一啲特别效果嘅舞台，希望有机会可以喺呢度开骚啦。」
　　MC张天赋同样首踏主场馆舞台，他演唱后分享感受：「今次嘅表演系最紧张嘅一次，肾上腺素飙升最劲嘅一次。不过即使紧张都冇影响到我享受个舞台！今次嘅舞台非常大，非常阔落，而且亦有好多唔同嘅机关，彩排时其实都已经幻想紧如果自己开演唱会嘅时候场面会系点样，他朝有日如果可以开个人演唱会，我都希望可以用多啲舞台设计！所以谂完就更加兴奋。《记忆棉》呢首歌大会拣嘅，都算系我拿手嘅一首歌，亦都算系我嘅代表作，好荣幸可以以呢首歌作为我系大场嘅第一次表演歌曲，我会继续努力，希望终有一日可以喺启德呢个场开个唱啦！」

↓立即下载星岛头条App↓