李泳豪 反击阿哥录音指控因鼎爷不断俾钱才忟憎
发布时间：03:00 2026-05-10 HKT
李家鼎（鼎爷）前妻施明于3月离世，之后就爆出一对双胞胎儿子李泳汉及李泳豪的争产风波，继鼎爷日前公开被大仔李泳汉苛索金钱的电话录音后，李泳汉亦公开录音反击，指责胞弟李泳豪不尊重并软禁父亲，而李泳豪独家回复《星岛头条》解释指哥哥李泳汉经常问父亲攞钱，因此他们要睇住父亲，但父亲又唔听，所以对话语气才会忟憎，之后他更还原太太的完整录音护妻。
鼎爷近日公开电话录音，踢爆被大仔李泳汉当成「人肉提款机」，对方更以「高中学历都冇」为由，理直气壮做无业汉、不断向父亲索取金钱，而李泳汉亦随即公开录音，反击细佬李泳豪对父亲不尊重，更揭父亲被李泳豪软禁，又被李泳豪夫妇言语恐吓等，甚至掌控其银行户口及限制其人身自由。对此，李泳豪独家回复《星岛头条》，语气平静地说：「我冇录音㖞，我唔知点解啲人钟意咁样录低，因为阿汉成日问阿爷（鼎爷）攞钱，攞到我哋都要睇住啲数，唔俾钱阿汉，阿爷又唔听，有阵时言谈之间就会忟憎啰，就咁简单！至于我太太段录音，都系要帮阿爷计住，一个老人家生活费用好少，点解用咁多钱？大前提都系唔想佢再俾咁多钱阿汉，可能言谈间真系会有一啲咁嘅说话。」
至于太太Agnes被哥哥李泳汉针对，李泳豪亦回复传媒为爱妻解话，提到录音中太太语气粗鲁，指鼎爷在5个月内用了16.6万元，平均每月花费约3.3万元，李泳豪解释当时因为鼎爷的帐目混乱：「几十万几十万咁俾，条数太乱，讲极唔听，所以忟憎就系咁简单。我太太觉得唔正常，一个老人家点解会使咁多钱？所以逐条数对返！」此外，泳豪指哥哥公开太太Agnes的录音故意删除重点，并提供完整版本还原真相，当中太太Agnes说到：「总之我做新抱，净系帮你睇住条数，你一个人灯油火蜡都用唔到75万，但你转咗75万俾人，你唔好再话冇，啲钱留返自己用！」
家燕姐赞泳豪人缘好
至于肥妈昨日出席活动，提到李泳汉声称自己45岁学历又低、找不到工作，肥妈以自己作比较，坦言自己6年班都未毕业：「伸吓手就有，仲要闹佢，话攞个屋契去按，咁嘅说话，系咪人嚟㗎！」另一边厢，薛家燕昨日出席慈善活动，坦言不认识李家两兄弟，不过在TVB会遇到泳豪，觉得对方为人有礼貌、人缘不错，又坦言：「泳汉话揾唔到嘢做，其实只要肯做唔会话揾唔到。」提到泳汉指鼎爷被泳豪夫妇软禁及经济封锁，家燕认为不会，应该会有积蓄；至于泳汉提供的片段中，鼎爷承认泳豪不让他外出，家燕姐笑说：「我谂佢系一个借口，佢唔想出嚟就真！」
