李克勤扬言穷养囝囝：要佢挨下

更新时间：03:00 2025-08-11 HKT
发布时间：03:00 2025-08-11 HKT

　　《星光熠熠耀保良》昨晚于香港会议展览中心隆重举行，保良局主席李何芷韵、一众副主席、总理及顾问蔡李惠莉等出席，嘉宾阵容强劲，李克勤打头阵演出，一连唱出《一生不变》及《失魂记》，陈晓东与二胡演奏家霍世洁跨界合作歌曲《一万年》及《爱你躲你》，还有一班《中年好声音》歌手张与辰、谭辉智、古淖文，以及姚焯菲、钟柔美及詹天文等献唱，让观众大饱耳褔。
　　李克勤坦言很久未有参与TVB节目，上一次已经是《声梦传奇》，下午彩排时有点紧张，但见到一班幕后熟悉面孔感觉好开心，近年自己的工作重心在内地，较少在香港，亦很挂住香港乐迷。他说：「我好留意TVB节目，如《中年好声音》、《声秀》同《东张西望》嘅踢脚姐。」
为陪大仔升学减产
　　李克勤透露今年大仔会到海外升学，自己尽量少接内地大型节目：「大仔放埋暑假就去读书，我会陪佢过去，等佢settle down我先返香港。（会否唔舍得？）男仔挨下啦！唔好以为喺香港咁幸福，觉得去第二度读书，除咗课本以外，我觉得学做人紧要啲。（太太会否逗留当地陪个仔？）唔会，佢唔使照顾我呀！佢哋都大，其实我哋唔放心啫。」
　　问到会否预备附属卡给个仔？李克勤笑言不会给太多钱，反而要佢挨下。再问会否担心大仔带个外籍女友返来？他笑说：「呢啲管唔到，佢要为国争光的话，呢个系佢嘅将来生活。」
　　有指他为炎明熹铺路转签新公司，李克勤反问：「点会？我哋唔同公司，只可以话《声梦传奇》系一个大家庭，刚才见到Chantel、Yumi都有聚下，见到佢哋喺大骚演出有进步，又越来越靓，其实我好开心，反而炎明熹好少见，间中会短讯，我不嬲唔会参与佢哋前途上嘅嘢，因为每个人都有自己嘅路要行。（炎明熹有冇问你意见？）无！呢段时间无，所以唔关我事。」

↓立即下载星岛头条App↓