【旅游】英国人去沙滩点解唔游水？ 呢样嘢竟然多过太阳伞？
趁著暑假，我们专程去了中部最近的沿海城市 Skegness 来个小旅行。大家都知英国的夏天同阳光都好珍贵，难得 8 月天学校长假，有海滩的沿海地方都是热门旅游点。
呢几日去过 Skegness 的几个沙滩，不期然会同香港沙滩作比较，大乡里观察到以下几点︰
- Wind breaks 比 sun umbrella 更普及！
香港夏天晒，去沙滩顶多租把大太阳伞或者自备小型营帐，我发现呢几个沙滩除了有营帐 tent，更多的竟然是香港无见过的 wind breaks！Wind breaks 顾名思义系挡风，身处一个上午就已经觉得成件事好合理，因为沙滩真系好好好大风！大人斋坐陪细路玩，真系吹到头都甩。Wind breaks 有大有细，最小型的 4 条柱 8 镑起跳，成日去海滩的朋友必备！
2. 无冲身
香港大部份泳滩都有花洒冲身洗脚，冲个快凉又得，只想冲下身上脚上的沙也方便。英国海滩原来唔兴有冲身，最多得个水喉洗下脚，而且都唔系个个海滩有。九成人都系用毛巾抹抹即走人跳上自己车，凉都系返归先冲啦！
3. 无独立更衣室
香港泳滩好多时厕所同更衣室系分开的，英国海滩如果有更衣室，大都系一两格瑟缩在厕所内，可以想像唔多唔少有朕味，我会建议换定泳衣泳裤先出门。
4. 去海滩目的系晒太阳
英国的海滩水温就算系夏天有猛烈太阳照射，一般体感温度都只有15、16 度，午后晒耐咗可能有 20 度，但因为大风，我地寒底人绝对觉得游水系冻。因此，在英国海滩，见最多人系晒太阳，跟住系同小朋友玩下水射下水枪玩飞碟。反而见到有小朋友买定小网在岩石隙捉蟹仔、鱼仔，比真正畅泳更多。
5. 周围都系 Soft Whippy、Slush
海滩附近卖 soft whippy 软雪糕同 Slush 思乐冰的食档餐厅多到数之不尽，沿路行去海滩，最少都有 10 档 8 档，难得软雪糕价钱都系 1.5 镑起，思乐冰 2 镑起，无坐地起价㖞。
6. Tattoo 同驳发
如果海滩喺正旅游热点，仲有机会有埋 Fake Tattoo 同驳发。Fake Tattoo 包括印水纸印下图案，亦有即画在面上手上的 face/ hand painting。呢度仲好兴驳上唔同颜色头发，原来英国女孩好鬼钟意，唔怪一街都系粉色头发。
