【英国置业】30镑大衣柜、10镑TV柜？平买家具有方法
Something new something old，搬屋我唔坚持每样嘢都系新，除了床铺梳化我一定要新，务求悭得就悭，新屋有唔少家具我都系执平嘢。
全新二手应有尽有
边到入手平家具家品？英国有唔少 Charity shop 其实都有家具卖，最广为人知的有 British Heart Foundation，在英国唔同地方都有店舖，成个展销会格局咁 display 咗唔同类型嘅家具，当中包括餐枱、雪柜、书枱、衣柜、梳粧枱、梳化、床架床褥等等，大大小小唔同类型的家具都有，有唔少系当地人搬屋唔要捐出，亦有部份系全新的工厂执笠货。我见过劲想买的包括 60镑皮椅连foot stool、10 镑coffee table同80镑全新chest freezer等。
FB Marketplace价廉物美
另一个途径就系网上买二手货。gumtree 之前有好多人提过，不过 so far 我买得最多的都是 Facebook Marketplace。set 好地点，每日都可以睇到本地的二手新上场，Marketplace 方便在咩类型东西都有，仲可以 search 到自己城市的二手货，当中最抵的一定系衣柜，我当时搬屋都以几十镑价钱卖出衣柜，衣柜一般定价低，因为到交屋死期点都要清走，加上如果自己新屋唔啱位又或者自问无能力拆件再重组，一般宁愿贱价出售。另外亦有大量床头柜、TV 架等，咩款式咩价钱都有，我最近就在 Marketplace 以 15 镑买咗张超新净 Game chair 畀个仔，150 镑买咗实木户外餐枱椅，劲开心！有好多物品如窗帘，好多时其实都仲好新净，8 镑 10 镑有一对亦是非常抵。
我又发现 Marketplace 不时出现一些公司专卖名牌 ex-display 的货品，如 John Lewis、Next Home、Made.com 的陈列品或退货品，价钱低于半价！我见过两间出售包括床架、柜、TV 组合柜、5 桶柜、衣柜等等，朋友入手 John Lewis King size 床架只需 80镑，我亦买咗衣柜、10层方型书架共 90镑，当然呢啲陈列品或退货都属次货，有少少 defect，例如侧板花咗，但以此低过半价价钱，真系无得挑剔了。
