【英国置业】新居入伙边度买家私好？有两样嘢要试过先好入手
在英国，无论租屋定买屋，总要面对买家私呢个问题。在香港，designer’s home、IKEA、实惠，仲有大大小小有时尚有实际的家具店可以选择，最重要系搭程车好快就到。英国买家私，基本上有几条路，一系行online路线，Amazon、ebay、IKEA……咩嘢睇啱款价钱 ok 就一click畀钱，等送货到家中。要不就可以直接去唔同家具店行逛，好似 Dunelm、Next Home、M & S Home、IKEA、Homesense 等，直接畀钱，再安排送货。不过，有两样嘢我系一定会睇过实物先至入手，就系床褥同梳化。
床褥︰英国的床褥普遍软身，香港人真系接受不了，瞓惯硬嘢的香港人最基本系要拣 Firm 或者 Extra-firm，不过唔同品牌对床褥软硬定义都略有差异，加上每人对于硬度的要求与感觉都唔同，难怪成日听人讲，xx 牌子 Extra-firm 都唔够硬！因此，最好的方法系要自己试坐试瞓下，既可以去唔同品牌的专门店，而我则会去 Bensons for Beds 试。呢间系床上用品专门店，英国的床褥大牌子几乎都可以在这里找到，店内虽未至于陈列晒不同牌子所有不同软硬度的选择，但亦有唔少 Firm 同 Extra-firm 的推介，亦有半床 firm 半床 Extra firm 这样的合并选择。店内仲有店员可以按你的需要作推介，绝不 hard sell。当然，唔怕麻烦嘅话，买咗床褥之后发觉唔啱瞓，好多都可以在指定日期（如 100 天内）退货。
梳化︰同床褥情况相似，梳化可以腍到一个点，一坐落，pat pat 已经座低咗一半，英国人觉得好舒服，我同样受不了。所以买梳化同样建议周围去试坐下。英国有唔少 retail park 俨如一个小型购物城，集结唔同商店，而有啲更主打家具家品。好似今次去呢个，除了有 IKEA，仲有几间专卖梳化、餐枱餐椅、电视柜等的家私店，Sofalogy、Next home、Barker and Stonehouse，有平有贵有型有设计的都可以找到。在 display 的梳化试啱，就可以拣色拣 2/3/4 seats、corner seats，又估唔到都几多颜色可以拣。
呢啲店舖间唔时仲有啲 ex-display的家品现货平售，不时半价起，大部分都只系有少少 defect，如果啱其实都几抵。
