【行山】大屿山塘福至伯公坳｜访狗麻脊、狗牙岭、一线生机、阎王壁、卡通鼠石、积木崖
4月19日 (星期二) 19~23度 天阴/有雨/大雾🌧🌬🌫
今日路线名同个"狗"字好配合👉爬呀爬，当然我哋无狗狗爬得咁敏捷😜😅又无狗狗身躯咁轻型，所以前半段路花咗好多时间去爬，加上有雨更加要小心慢爬，永远将安全放第一位👍谂住后半段路应该有好日子过😅虽然唔驶好似狗咁爬，但就要用pat pat坐低瀡落去，有几个位好直好跣🙈🙄系辛苦，但风景无限，有雾都一样咁靓🥰如果你有兴趣挑战呢条路线，一定要评估自己能力，量力而为，最好有经验朋友随行。
1️⃣塘福至上山入口约1.1公里2️⃣上山口至狗牙岭约1.4公里3️⃣狗牙岭至小鸟回头石约1.1公里4️⃣小鸟回头石至凤凰径3段约900米5️⃣凤凰径3段至伯公坳约2.5公里。
路线：大屿山塘福 ➡️ 狗麻脊(东东狗牙) ➡️ 狗牙岭 (海拔539米) ➡️ 一线生机 ➡️ 阎王壁 ➡️ 小鸟回头石 ➡️ 南岩栈道 ➡️ 凤喙台 ➡️ 刀片石(远观) ➡️卡通鼠石 ➡️ 积木崖 ➡️ 天窗脊 ➡️ 凤凰径3段 ➡️ 伯公坳 (约7公里/超慢行6小时连影相小休)
🚘东涌巴士总站乘11号大屿山巴士 ➡️ 麻埔坪道口站落车 (约25分车程) 或 塘福惩教所落车(指定班次途经)
👇10：00起步🚶♀️🚶♀️🚶♀️落车后，巴士站对面走入麻埔坪道
👇麻埔坪道
👇呢1公里石屎路系全程唯一舒服路段😅
👇15分钟后到惩教署，右转入上斜路
👇唔使3分钟见闸口，随即左转入塘福引水道
👇唔使半分钟，右边路口走入，上山啦，开始艰苦时段💪💪💪
👇落紧毛毛雨
👇路径清晰，但不断上上上，无平缓路，要去到海拔240米先好行小小
👇行咗20分钟，有个影相位
👇水口湾
👇箭咀位置是一个小平台
👇有时都几直😅💪
👇嚟到小平台位置了，小休一回，雨越落越密🙄
👇小平台的左边路径上走，仲有15分钟路程到狗牙岭
👇刚才休息的小平台
👇唔好睇小呢15分钟路程，好多碎石，又无扶手位，只能乌低身爬呀爬💪
👇果然系行山高手，面不改容！👍
👇加油💪💪💪
👇旁边的东狗牙岭路线
👇11：50到狗牙岭 (海拔539米)景观唔驶讲啦，用👀睇。狗牙岭是个超开扬辽阔的平台，没有标高柱，虽然大雾，但一样咁靓🥰
👇朋友叻叻🐷比个👍👍👍佢
👇背后的山，一阵要爬的🙈
👇仲有一段路先到一线生机
👇好靓！！不过见到座山路咁直，尤其系接近山顶果段🙄有一刻想打退堂鼓，不过落山都唔系咁易😅决定继续.....
👇我呢位摄影师算系尽咗力😜喺安全位置下捕捉靓人靓景🥰
👇朋友背后箭咀位置就是一线生机，之后沿右边路径走
👇估唔到上到嚟会咁多人😅
👇12：30到一线生机，亦系西狗牙岭路线交汇点。落果阵系有啲惊惊嘅，只要坐低慢慢落就没问题的，可以借助一下旁边的铁链
👇走过一线生机后，横山径走
👇都唔系咁难走啫😅
👇另一个挑战，而家位置约海拔600米，要上爬至海拔780米的小鸟回头石，这片山壁称之为阎王壁😅
❇紧记重心向前，不要站立向后望，这样好易失重心，尤其系畏高者，专心慢慢一步一步而上，唔好挂住打卡，所以我都无乜影相😜😅
👇三只牙🦷🦷🦷
👇污糟猫😉😝
👇最后一小段斜路
👇远处是小鸟回头石
👇13：24到小鸟回头石 (约海拔780米)
👇雾开始散了点
👇小鸟石旁边下去进入南岩栈道
👇呢个路口比较难落去，左右两边都有可踏脚的石块，脚长落去会容易啲，所以脚长朋友可先落去再协助队友。
👇谢谢长脚朋友协助🥰🙏
👇嚟到呢边，感觉气氛唔同哂，雾散了雨也停了，景观跟刚才的截然不同，这就是凤凰山吸引之处，变幻莫测🥰
👇小鸟回头石
👇之后的路都要小心谨慎，步步为营。呢嚿大石就系凤喙台，这边睇甚么也不是😉再走远点望回就像了
👇大石旁边是条直跣的路
👇无人帮到你，要靠自己坐低瀡落去😜
👇大石林边穿插，路径亦唔难辨认，只要有丝带，路就走对了
👇凤喙台！真系要比个👍自己，喺咁复杂的石林下走过
👇刀片石
👇呢两位仲劲😅👍佢哋脚下是一条石路
👇凤喙台，旁边是刚才瀡落路径
👇这个角度，刀片石变样了😉
👇看似无路可走，其实跨过大石会有路的👍💪
👇小鸟石离我们越来越远了
👇14：07到卡通鼠石
👇穿过石隙
👇穿过石隙后挨石壁走
👇小树林中穿插及走过石河
👇积木崖👉唔经唔觉已走过积木崖下
👇到最后一个景点天窗石(左后面是天窗石，需要爬上去才见到的)，大家都有点累了，无力再跨上大石，所以在此影张相算.....
👇绕过天窗石堆前路径后，往上走天窗脊
👇约20分钟后接上凤凰径3段右边走，要走2.5公里先到伯公坳🙄🤐
👇成身都系泥，返去有排洗😅
