英国饮茶同香港有咩唔同？
移英港妈生活分享
2021-12-24 11:31 HKT
字體大小
在香港，我们一家差不多每个星期都会上酒楼饮茶食点心，又唔系话好钟意饮茶，但就系钟意在酒楼饮茶那种气氛，纵然通常一个钟多点食饱就走人，依然成为我地的周末日常。来到英国诺定咸，中式酒楼只得几间，咁同香港饮茶系咪好唔同呢？
1. 营业时间
首先，真系唔好谂住晨早起身，叹番个早茶先，因为酒楼都系唔开早市㗎！星期一至日都系开中午 12 点，晚市则主力小菜。出去食早餐都系去 Cafe 食 all day breakfast 算了。
2. 点心选择
一定无香港咁多姿多采，亦唔会成日换点心款式，以我帮衬咗半年多的经验，基本上点心纸都系同一张，又不过，款式都已经有 50 多款，囊括晒最 popular 的蒸、炸、煎点心，肠粉、粥与包点，另外仲有一个炒粉面 list，我觉得选择其实都不少了。
3. 点心质素
第一次食，我真系可以用「喜出望外」来形容，因为比我想像中「高汁」。肠粉皮都够滑身唔太厚，虾肠当然唔称得上有虾味，都心知肚明用雪虾，不过虾肉都算爽口大只。叉烧包马拉糕之类都合格，包身松软足馅，系奶黄包个流心差少少﹔点心如虾饺烧卖比较有旧式茶楼影子，即系食得出系旧派师傅落咗猪油版本，味道好 old school。炒饭炒粉面普遍都唔错，我系唔明点解无我好喜欢的煎堆。
4. 茶
茶就真系无悬念地唔得，淡薄无味，同饮水无太大分别。有要求的朋友不妨自备茶叶去冲茶。
每次我 post 完饮茶相，香港朋友都会问我英国饮茶贵唔贵呀。我地一家食量唔大，一般点 7 至 8 款点心加一个炒粉面就够饱，连茶钱，以 cash 埋单有 9 折来计 (即系免加一)，通常 40 零英镑，价钱就系香港一间中高档酒楼消费。又咁讲，出去食次西餐都咁上下价钱，啦其实唔算贵，间唔少 comfort 一下点都要啦。
最Hit
前TVB「斯文男神」贴地搭地铁悠然自得 身上一特征超显眼极可惜 淡出幕前转做厨师
2025-11-12 17:00 HKT
酒楼舖位丢空半年大幅议价？原为米芝莲推介人气粤菜 东主无奈：当日议价业主拒绝......
2025-11-12 16:06 HKT
地域强者 全球挑战 首个获「M」品牌认可电竞赛事BLAST Premier Rivals 8支参赛战队揭晓
2025-11-12 00:00 HKT
观塘夜市开锣！一连17日免费入场 设30美食摊位 台湾夜市摊贩参展 必试铁板鱿鱼/大肠包小肠（附地址/开放时间）
2025-11-11 15:28 HKT
健康PRO｜成人奶粉变健康陷阱 专家教你点拣真健康奶粉
2025-11-11 16:42 HKT
「顺嫂」梁葆贞加国返港避寒 精灵现身饭局与老友聚旧 状态不似年近九十
2025-11-12 13:00 HKT
