Happy New Year! 民间烟花 Show

UK_nottsMama

移英港妈生活分享

2022-01-03 04:38 HKT

阅讀更多

生活专栏

內容

在英国，其实非特别日子都可以放烟花，好似生日呀、周年纪念呀、求婚呀相信都系放烟花的借口，又一年有几个日子大条道理可以放烟花，11月头的 Bon Fire Night 是其一，其他日子还包括印度的 Diwali Festival、除夕和中国农历新年。每年15/10 至10/11、26-31/12 及 Diwali、中国农历年前 3 日都可以买到烟花，11月时就见过firework pop up store 外，各大超市都有烟花售卖，唔少人都系𠮶时入定货。

Covid 期间，大型除夕倒数烟花汇演大概只剩伦敦 London Eye，睇 BBC 片段，盛况同初二维港烟花有得挥。不过，民间烟花同样热闹，早场由晚上八九点起，已经听到附近传来 bang bang bang 声 (初到埗唔知以为系枪声俾佢吓亲)，到 12 点前后十分钟，前前后后，远远近近，四方都传来烟花声，身在家中都可以欣赏到，好热闹！要赞烟花的standard 其实几高，虽则唔能够同趸船货色相比，但系同廸廸尼又唔差好远噃 (要睇片呀！)，真心靓！Bonfire Night 时我地都入咗少少货，今个除夕同农历年都有得趁下热闹，买过又放过几次烟花，绝对认同放烟花系烧钱的玩意，三四十英镑几分钟就放完，手机拍得来眼睛又享受唔切 ~

讲番民间放烟花都有啲规矩要follow，好像基本上只可以在私人地方进行，所以唔好谂住带埋啲烟花去公园同朋友仔一齐放，只可以在屋前或者后花园进行。另外时间上，除了以上提过的 Bonfire Night、Diwali、除夕新年可以放烟花至凌晨 12 点甚至 1 点，其他日子系唔可以于 11pm 至 7am 放。而某些被列为级别 2 同 3 的烟花，就只可出售予 18 岁以上成人。