KellyChu - 学子登南宁舰衡阳舰参观 零距离亲触军备：大开眼界 | Executive日记
KellyChu
1小時前
字体大小
解放军导弹驱逐舰「南宁舰」及导弹护卫舰「衡阳舰」日前抵港，昨日更特别开放畀本港学生参观。一众同学仔登上军舰甲板同船舱，除咗可以亲眼睇到76毫米主炮、鱼雷发射装置呢啲重型武器，仲有机会触摸军人装备、尝试举起枪械！有学生参观后大赞设备先进，令佢大开眼界，「感受到祖国嘅伟大」。两艘军舰今明两日仲会开放畀公众预约参观！
多个学校团体昨日前往昂船洲军营登舰参观。读中五嘅温同学话，之前都参观过其他军舰，但觉得今次南宁舰同衡阳舰设备明显更先进，「感受到祖国嘅伟大同国防强大，可以保卫香港」。另一位刘同学就大赞舰上官兵和蔼可亲，仲话「日后无论有咩军舰嚟，都会想嚟参观」。
负责带队嘅陈小姐话，见到学生「有好大兴趣、好兴奋」，平时学校都会举办中国文化活动，但今次登舰体验性质唔同，学生可以亲身接触军人住宿设备、餐厅等日常环境，了解到军人有纪律嘅生活。
KellyChu
更多文章
