KellyChu - 六合彩第5代搅珠机亮相 「马蹄铁」创新造型掀热议 | Executive日记
KellyChu
1小時前
字体大小
还记得小时候互联网尚未如今天普及，每次开六合彩，Kelly同屋企人都会睇准时间打开电视，红蓝绿三色号码球喺搅珠机中转动时嘅紧张，可谓大家最熟悉不过嘅感觉。原来六合彩搅珠机已经嚟到第5代，全新搅珠机以「财光马蹄铁」造型告别经典圆环，星期二正式亮相后已掀起网民热烈讨论。
六合彩全新第5代搅珠机喺星期二晚隆重登场，于第26/047期六合彩接力执行呢个关乎全港市民横财梦嘅「神圣任务」。新机处女秀亦瞬间喺各大社交平台掀起讨论，有网民认为新机同服务咗16年嘅第4代搅珠机外观冇咩分别，亦有网民赞新机明显更具现代感，将光环一分为二，呈马蹄铁形状，灯光效果比以往更为明亮。更有网民指出，马蹄铁喺欧洲传统通常被视为一种幸运符，象征财富与平安，亦系香港赛马会嘅标志。唔知各位读者又钟唔钟意呢款全新六合彩搅珠机呢？
KellyChu
更多文章
