KellyChu - 4座LABUBU及ZIMOMO离境层伴你出游 7米高巨型KING MON登陆机场 | Executive日记
KellyChu
2025-09-23 02:00 HKT
字體大小
7米高KING MON装置屹立在香港国际机场，万众瞩目。由香港艺术家龙家升设计嘅LABUBU，全球大受欢迎，佢系龙家升以北欧神话为灵感创作嘅「THE MONSTERS」系列其中一个角色，当中另一个角色KING MON更解作「king of the monsters」（精灵之王）。适逢THE MONSTERS系列诞生10周年，龙家升为香港国际机场设计咗全球最巨型嘅KING MON装置，高7米，黑色大精灵身穿HKG字样白T恤，手持纸飞机同行李箱，就像陪伴大家出游，令旅程添上一抹童趣。
「THE MONSTERS × 香港国际机场」艺术体验昨天正式揭幕，除咗离境大堂嘅巨型KING MON装置等市民和旅客打卡，仲有4座1.5米高嘅LABUBU及ZIMOMO角色装置，亦喺离境层禁区范围可爱登场，佢哋均配搭旅行主题配件，包括购物袋、行李箱及度假服饰等，其中两座更配上以龙家升手绘作品为蓝本设计嘅打卡墙。
龙家升喜欢透过绘本说故事，透过不同精灵表达自己嘅感受，以及人性不同嘅面向。佢话，自己好多年前已经好想画精灵作品，终于喺2015年成事，之后亦做咗好多相关活动和展览，多谢大家一路支持，令THE MONSTERS系列可以走过10年，佢非常开心，之后佢同精灵会冲出香港，喺其他地方以不同造型展示，同国际粉丝见面。
香港国际机场同时会于9月25日至10月15日期间，送出机场限量版18厘米LABUBU手办，手办以香港国际机场标志性色彩设计，手持印有「HKG to Monster Land」嘅登机证，具收藏与纪念价值。其中活动更包括THE MONSTERS贴纸及其他丰富奖赏，为旅客带来一场充满奇趣嘅艺术体验。
KellyChu
香港国际机场将于9月25日至10月15日期间送出机场限量版LABUBU手办。
适逢THE MONSTERS系列诞生10周年，龙家升设计香港国际机场限定版KING MON巨型装置。
更多文章
