KellyChu - 港台Aida永远美丽 杭州联播代班活灵活现 传媒AI主播盛行以假乱真 | Executive日记
KellyChu
2025-04-02 02:00 HKT
字體大小
人工智能（AI）日渐盛行，除咗大家日常处理文书或搜寻资料，可能会用到DeepSeek和ChatGPT等软件，传媒机构也开始研究使用AI报道新闻，例如香港电台前年已引入一名AI天气小姐「Aida」，佢嘅仿真度唔高，声音都有啲假，不过报告天气就永远唔会食螺丝。
香港电台AI天气主播Aida自2023年6月底开始每日为观众报告天气，初版嘅Aida系着一件酒红色樽领背心，如果唔听声，外表都同真人颇为相似。但旧年Aida就换咗新形象，穿上粉红色套装，外表更似机械人，不变嘅系声音明显听得出系由电脑产生，不似真人讲嘢顺畅流利。
早前《杭州新闻联播》请来AI主播在春节代班，让两位人类主播可以回家过年，佢哋身处家乡同观众拜年，并与自己在公司嘅AI替身连线报道。由于AI替身以两位人类主播为蓝本，外表、声音以至肢体动作都相当逼真，令许多观众第一时间信以为真。事件一度掀起播音系学生未来会否面临失业嘅讨论。
应用科技改善事情未尝不好，但越来越多人因为AI嘅出现，而怀疑自己睇到嘅嘢系咪真实，还是由AI生成？有朋友仔就问Kelly凤凰卫视系咪请咗一名AI美女主播，不但外型完美，口齿亦好清晰。其实该名主播从中国传媒大学播音系毕业，曾获选为中华小姐环球大赛冠军及最上镜小姐奖，当然完美。
KellyChu
初版Aida（下）与现在的Aida（上）对比，外表更似机械人。
初版Aida（下）与现在的Aida（上）对比，外表更似机械人。
最Hit
更多文章
