KellyChu - 展览录逾18万人次参观 《九龙城寨》港式情怀吸来日本客打卡 | Executive日记
KellyChu
2025-02-24 02:00 HKT
字體大小
去年大热嘅港产片《九龙城寨之围城》近期去到日本上映，当地票房半个月已冲破1亿日圆（约港币511万），相当受欢迎。连带喺启德商场AIRSIDE展出嘅《九龙城寨之围城》电影展览，亦多咗日本游客前往参观，对本港电影旅游嚟讲，真系一个好消息。
旅发局主办嘅「走进香港，走进香港电影」《九龙城寨之围城》电影展览，继去年于机场展出后移师至启德商场AIRSIDE，继续大受欢迎，由去年12月16日至本月中，已录得逾18万参观人次，其中喺农历年初三（上月30日）单日参观人数突破4000人、情人节嘅周末假期（14至16日）每天逾3000人入场参观。
据悉《九龙城寨之围城》近日喺日本上映，上映两个多星期，票房已冲破1亿日圆（约港币511万），成为近5年来当地最高票房嘅港产片。
电影成功引起日本人对九龙城寨及九龙城呢个地方嘅关注，旅发局旅游义工今个月起逢周末及周日专为旅客而设嘅导赏团，已参加或预约嘅日本游客便占咗4成（20人）。Kelly都好高兴佢哋咁欣赏香港文化。
其实佢哋嚟到参观电影展览，不但可以了解九龙城寨嘅历史，同充满港式情怀嘅逼真布景打卡，仲可以喺展场外品尝到叉烧饭、碗仔翅、肠粉、凉茶等地道滋味，以至购买一些香港怀旧玩具和电影周边精品，一站式体验电影深度游！
KellyChu
旅客可与充满港式情怀嘅逼真布景打卡。
更多文章
