KellyChu - 连系社区大自然 规模历年最大 太古营地风白色圣诞市集周三开锣 | Executive日记
KellyChu
2024-12-02 02:00 HKT
字體大小
月底就系圣诞，但近日已经有好多好有特色嘅圣诞活动，例如一连5日嘅「白色圣诞市集」，周三起至下周日，会喺太古坊举行。今年市集以「露营」为主题，届时成个太古坊，会幻化成大型户外圣诞营地。同时，市集规模亦系历年最大，首次由糖厂街延伸到「太古中央广场」、「太古公园」及宠物友善嘅海滨社区休息空间「舍区」。快啲约埋另一半，到场提前感受下浪漫嘅白色圣诞！
有份参加设计圣诞市集嘅学生就话，今年市集会以露营为主题，希望可以连系人、社区同大自然；同时，市集规模亦系历年最大，延伸到太古城附近嘅公园同海滨休息空间，有超过40个摊位，亦有多组来自本地及海外嘅音乐团体表演。亦有学生代表话，团队最初希望喺市集，以真火作为营火摆设，但因安全问题未能成事，最终参考巴黎奥运嘅做法，喺市集中使用毋须燃料嘅营火摆设。
筹备团队之一、太古地产公共事务副董事林珩话，市集希望可为社区居民同上班族，营造浓厚节庆气氛，将欧洲白色圣诞情怀带到香港，并连系地区特色。佢又话，圣诞市集自2013年起至今，已累积筹款900万元，捐助非牟利团体。
KellyChu
设计「白色圣诞市集」的学生团队。
最Hit
更多文章
