胡慧冲 - 一个喜欢幪面超人的达人 | 笔泰冲动
胡慧冲
2024-10-04 02:00 HKT
字體大小
旅游达人应该系讲旅游，但今次竟然唔讲旅游而讲个人喜好。返嚟香港工作几日，正经事唔做走去追星……真系大细路！
讲紧嘅唔系韩星或者系明星，而系幪面超人呢一个家传户晓嘅超级英雄！自小都系佢嘅粉丝，知道便利店有佢嘅杯卖，一早已经托朋友买咗幪面超人1至3号嘅杯，返到嚟香港之后又想再揾多只3号，结果由旺角揾到尖沙咀都只系揾到1号、2号……谂住放弃，结果又唔忿气，某一个晚上又由九龙城揾到落去深水埗，大多数店舖都话沽清，有啲偶尔仲有2号，但想揾个3号真系一杯难求，追到我气咳……
另外仲有就系专诚去采访幪面超人50周年展览，仲要专登喺泰国带定相关服装扮埋幪面超人去影相！自己睇得开心拍得开心，完全活在自己嘅世界之中，不理世俗眼光，仲要花钱买埋好多纪念品，又不断在1:1公仔面前影相打卡，完全忘记晒自己咩年纪，更唔理会大会公关嘅感受摆埋变身甫士扮影相！
无他，因为我钟意幪面超人，而且咁大型嘅展览冇乜几可可以喺香港举行，仲要呢个50周年展览离开日本第一站就系香港，再加上场内一次过有超多纪念品，场外亦有便利店嘅杯，简直里应外合，所以令自己的疯狂情怀脱壳而出！
还有帮香港一个著名的迷你仓拍宣传片，亦都扮作幪面超人，同佢哋高层一齐玩变身，然后兴高采烈地拍片介绍自己嘅幪面超人珍藏，讲到眉飞色舞，完完全全有如一个大细路！
今次实在花费了不少心思、金钱和精神在这些幪面超人之上，但都是值得的，因为如此机会实在可一不可再。
胡慧冲
最Hit
地域强者 全球挑战 首个获「M」品牌认可电竞赛事BLAST Premier Rivals 8支参赛战队揭晓
2025-11-12 00:00 HKT
马场浮世绘｜苗杰美被罚停赛三十日
17小時前
TVB「一线小生」得知爱妻怀孕反应令人感动 紧拥老婆眼有泪光笑不拢嘴：中咗两万奖金
2025-11-12 21:30 HKT
更多文章
