KellyChu - 阿Jack怪诞大餐食得又睇得 迪士尼「恶人」万圣节邀你「疯」骚共舞 | Executive日记
KellyChu
2024-09-30 02:00 HKT
字體大小
下个月就迎嚟扮鬼扮马嘅万圣节，香港迪士尼乐园已准备咗一连串惊喜体验，其中「恶人大宅舞会」邀请大家一齐cat walk共舞，以及同阿Jack、莎莉享用滋味怪诞餐，更有机会喺园内目睹多个正邪角色同时登场。小妹日前变身鬼马Kelly，率先投入呢场精彩Halloween Time。
迪士尼第2年举办「恶人大宅舞会」，今年加入新元素，喺表演开始前邀请大家行cat walk，一齐跳舞热身。全新原创「恶」曲《House of De Vil-lains》为呢场「疯」骚时尚舞会拉开序幕，时尚女魔头库伊拉与一众恶人手下，以一身「衣」不惊人誓不休造型霸气登场，《白雪公主》入面嘅邪恶皇后，以及《爱丽丝梦游仙境》嘅红心皇后亦难得现身！
另一场喺原野剧场上演嘅得奖歌舞汇演「恶人舞动迪士尼」，首先有魔术表演为大家暖场，然后多个反派角色包括海女巫乌苏拉、巫师霍博士、黑魔后、嘉芙夫人和加斯顿，亦喺舞台上大肆作恶，以歌舞迷惑观众，带领走入迪士尼故事中嘅经典暗黑剧情，好过瘾。
河景餐厅嘅阿Jack怪诞大餐食到Kelly舔舔脷，加入惹味酱汁嘅丰盛扒餐，配以南瓜、烤焗紫薯等多款蔬菜，非常Halloween。同场仲有南瓜王阿Jack和女伴莎莉、布袋鬼Oogie Boogie，以及一众怪诞城村民近距离互动用餐，更添欢乐滋味。
万圣节期间嘅花车巡游表演「米奇Halloween玩转大街派对」，有《灰姑娘》邪恶后母杜明尼夫人携同2位女儿，于美国小镇大街物色心仪对象，佢哋大抢「疯」头后，登上巨型南瓜车，同米奇、Duffy、ShellieMay等人气角色出巡狂欢，反转香港迪士尼！
KellyChu
河景餐厅嘅阿Jack怪诞大餐。
河景餐厅嘅阿Jack怪诞大餐。
更多文章
