KellyChu - 炮制特别餐单 出招鼓励补充营养 金牌「陪月员」助盈盈恢复食欲 | Executive日记
KellyChu
2024-09-02 02:00 HKT
字體大小
海洋公园大熊猫盈盈上个月诞下龙凤胎。19岁嘅盈盈已相等于人类57岁，作为高龄产妇，盈盈产后非常疲倦，大部分时间都需要休息，公园嘅护理团队亦化身成为「陪月员」，并为盈盈调整坐月期间嘅饮食。
海洋公园昨日公开盈盈嘅「坐月餐单」，指盈盈生完BB之后，食欲尚未完全恢复，口味亦发生变化，例如以前成个原只竹笋佢都钟意食，而家就净系食笋头。
故此，护理员需要细心留意盈盈每日变化，花心思准备唔同食物，例如竹叶会整成细卷，加入盈盈钟意嘅味道，包括苹果、饼干等等，从而鼓励盈盈食多啲粗纤维。
海洋公园表示，护理员用尽各种方法同食物，鼓励盈盈进食多啲，希望帮助佢恢复食欲，有助补充盈盈自身及熊猫BB嘅营养。网民大赞团队悉心照料，纷纷为盈盈加油打气，希望佢早日恢复元气满满，开始新生活。
KellyChu
最Hit
更多文章
