KellyChu - 网友激赞蔡俊彦金句频出 独家采访靓位「科水」就有 | Executive日记
KellyChu
2024-07-31 02:00 HKT
字體大小
今届巴奥政府购入转播权，多个免费电视台都可以睇到赛事直播，同时都掀起网民对评述员及记者采访嘅讨论。
其中，昨日凌晨张家朗对决意大利剑手嘅焦点赛事，网民大赞蔡俊彦（Ryan）旁述专业之余又贴地，期间Ryan系咁讲裁判「钟意睇脚」，令大家听得好过瘾。
Ryan本身都系香港花剑运动员，自然对赛事规则了如指掌，口直心快嘅佢日前为失言致歉，但似乎好快得到网民「原谅」，仲有网友整合咗Ryan嘅金句出嚟，提到张家朗对决意大利剑手马池嘅裁判「钟意睇脚」，指出马池因为脚行得快过手而得分。
Ryan嘅临时爆肚亦为大家观看呢场紧张赛事更添精彩，例如用歌词形容得分时嘅亮灯「明明绿灯转眼变成红灯」、又叫裁判要好好畀分「我哋呢到有700万人会揾你」。
此外，网民留意到有电视台可以独家采访运动员，资深体育记者伍家谦便为此作详尽解释，称奥运嘅采访有规有矩，而畀钱就最简单直接，「只要肯科水畀国际奥委会，个位几靓都有」。
KellyChu
更多文章
