胡慧冲 - 香港设计风靡泰国 | 笔泰冲动
胡慧冲
2024-05-17 02:00 HKT
字體大小
一个香港男人，加上一个泰国女人，令全泰国的人都疯狂了！
所指嘅香港男人，就系讲紧龙家升，香港著名玩具设计师，佢创作嘅角色「Labubu」，喺香港可能仲未有一股好劲嘅热潮，但喺泰国已经红到无人不知，无人不晓，个个都将佢当作一个吉祥物。而令到Labubu更上一层楼嘅，就系K-pop天团Blackpink泰籍成员Lisa，自从某日佢喺社交媒体帐号公开自己都有收藏Labubu公仔之后，成个泰国都热炒起来，当中除正货以外不乏假货，甚至乎有餐厅甜品店设计Labubu相关食物，亦都有金舖将佢变作金饰，更有纹身师傅将之化成吉祥物纹上身，认真系Amazing Thailand！
而更加Amazing、更加疯狂嘅，就系泰国曼谷有好多售卖有关Labubu产品嘅商店，全部都大排长龙限量发售！有泰国人自己买来收藏，亦都有炒家，总之个个都走去排队买，情况十分之哄动！甚至连泰国有关商务部官员都要出来讲句，提醒大家买还买，要小心唔好买错假货。
就自己所见，现时泰国男男女女无论甚么年纪，个个都钟意将Labubu公仔挂上身。由此可见，设计师龙家升可以话系为香港人争光，劲！
胡慧冲
最Hit
油麻地烘焙店变「面包界Hermès」？入店前先排队再「逐个放人入去」 网民猜测1原因咁做
2025-11-14 15:15 HKT
九旬婆婆北区医院大堂弹琴 路人伴唱《万水千山总是情》 网民大爆婆婆猛料身世｜Juicy叮
2025-11-14 13:32 HKT
更多文章
