胡慧冲 - 芒果主题下午茶 | 笔泰冲动
胡慧冲
2024-05-10 02:00 HKT
字體大小
泰国过了泼水节之后就是一众生果当造的季节，除了有榴梿当造，也有芒果当造，部分地方更已推出任食榴梿自助餐……其实与此同时，亦都有好多不同嘅芒果甜品推出。
正如曼谷Intercontinental酒店就推出芒果主题嘅下午茶餐，其实在泰国可以见得人同埋好味嘅下午茶餐，基本上大多数都系喺酒店里面找得到，当然价钱一定唔会话超平，但比起香港嚟讲其实CP值都高，起码种类多元化，影相打卡冇问题，同埋亦都坐得舒适。
就以这个芒果作主题嘅Afternoon Tea Set为例，当中有12种不同类型的糕点配搭，每日供应时间是下午2时至5时半，价钱两位计1,990铢，其实都唔算话十分贵。供应期一直至到6月30日，如果自问系芒果控嘅话都可以来一试。
其实好多香港人都非常钟意泰国芒果，甚至乎临上机之前都会喺机场里面买一些芒果糯米饭拿回香港食。虽然今时今日都会有一些代购服务，从泰国运送芒果糯米饭或者榴梿到港，但个人认为运得过嚟都蚊瞓，一系未熟一系熟得滞，始终都系现场即时食会稳阵啲，咁先至真系泰滋味！
胡慧冲
更多文章
