KellyChu - 厨余搅碎排走 悭垃圾袋费 | Executive日记
KellyChu
2024-03-21 02:00 HKT
字体大小
垃圾征费预料喺8月实施，唔想交高费用，可以借助科技。信兴集团主席兼行政总裁蒙德扬㖊日同传媒见面时就有好介绍，佢话有一款由德国设计、美国制造嘅厨余搅碎机就帮到手，只要装喺洗碗盆嘅去水位下方，主妇洗碗碟时冲走嘅小厨余，经搅碎后连污水直接排走，可以减少家用垃圾袋，即时悭返好多。
蒙德扬就话，其实呢款装置，喺外国已大行其道，反而香港未流行。佢估计，以一个3至4人家庭计，装咗之后，每年可以少用约800元嘅垃圾袋费用，用3、4年就悭返购买部搅碎机嘅成本，既环保又悭到钱，搞到Kelly都心思思想买返部。不过，蒙生好有见地，佢话，要帮城市减废，最紧要系教育公众源头减废，咁先最有用，讲得非常好。
另外，股坛名人胡孟青就对一款枱灯好有兴趣，佢设计有利保护眼睛，包括无蓝光危害、无可视频闪、三段色温、调光功能和亮度记忆等，令阅读唔会伤眼，变成乐趣。青姐话好啱佢，因为佢系一个好钟意睇书嘅人。
KellyChu
将厨余搅碎机装喺洗碗盆去水位下方，小厨余经搅碎后可直接连污水排走。
最Hit
更多文章
