KellyChu - 港铁香港站变奇幻世界 Mr Doodle即席涂鸦飞碟｜Executive日记
KellyChu
2023-11-20 00:00 HKT
字體大小
蜚声国际嘅英国鬼才艺术家Mr Doodle「涂鸦先生」，近日来港周围画画，引起哄动。昨日佢去到港铁香港站，为一只太空船绘画图案，仲邀请协助病童嘅非牟利慈善团体「愿望成真基金」数名小朋友，一起创作，感受同分享呢位艺术家发放嘅正能量。
好多粉丝闻讯，一早到香港站围观，Kelly亦在人群中，见到Mr Doodle开心嘅笑容，揸住大笔，喺一只银色太空船上不停咁画，不一会就画出好多有趣嘅图案。Mr Doodle对Kelly话，做你钟意做嘅事，不求大意义，不理他人眼光，自己开心就OK，人哋开心更加好。佢动笔前都唔知自己想画乜，但画下画下就成就一个天马行空嘅小宇宙。
呢次港铁喺站内破天荒最大型嘅即席艺术创作表演，大家即日起至十二月三日行经香港站嘅「港铁艺术舞台」，就可以欣赏到呢只咁别致嘅太空船。
港铁公司企业事务及品牌总监蔡少绵话，Mr Doodle呢次喺香港站创作嘅太空船主题展览，把欢乐同创意力量嘅艺术氛围带到车站每个角落，为本地市民同旅客嘅铁路旅程带来惊喜，感受个中快乐。展览完结后，Mr Doodle嘅涂鸦太空船艺术品将捐赠予「愿望成真基金」，以支持本地儿童慈善工作。
Kelly Chu
最Hit
《东张》女神受收兵丑闻缠身终被停工 事隔多月终开腔坚称自律： 喺道德上冇做过唔好嘅嘢
2025-11-22 21:00 HKT
保良局委任Amanda S为烘焙大使 联乘推慈善曲奇 为冬日增添暖意
2025-11-22 08:30 HKT
更多文章
