KellyChu - 筹善款帮助乏家庭照顾儿童 着便服行善 齐撑公益金30周年盛事｜Executive日记
KellyChu
2023-10-27 00:00 HKT
字體大小
今年公益金便服日会喺10月30日（一）举行，Kelly以前读书时好期待便服日，因为可以着自己钟意嘅便服返学，但其实便服日仲有一层更深意义，今年活动所筹得嘅所有善款，都会用嚟帮助缺乏家庭照顾嘅儿童，同埋提升及加强社会对保护儿童意识，所以小妹都鼓励大家今年继续踊跃参加。
适逢今年系公益金便服日30周年，公益金表示，希望社会各界能够一齐见证呢个重要里程，无论系上班一族定系学生，都希望大家以微小嘅善行，将爱心传递出去，为有需要人士出一分力。
参加者只需要捐款港币70元或以上（学生不设最低捐款额），就可以喺便服日当天穿上钟意嘅便服上班或上学。捐款港币200元或以上，更可以获赠便服日30周年限量版手机背带乙份。手机背带有本地插画师cheeky cheeky厚面子充满童真及活力嘅设计，传递满满正能量。
小妹从大会方面得悉，活动筹得嘅善款唔会扣除任何行政开支，全数资助提供「儿童保护及福利服务」之公益金会员机构，向缺乏家庭照顾嘅儿童提供援助，并提高公众对防止虐待儿童嘅认识，为儿童提供健康成长环境，令佢哋得到全面发展。即刻浏览公益金便服日网页了解活动详情啦：commchest.org/event/dcd2023。
Kelly Chu
更多文章
