KellyChu - 特首打绿呔宣读《施政报告》 历朝纹样象征传统文化｜Executive日记
KellyChu
2023-10-24 00:00 HKT
字體大小
新一份《施政报告》将喺周三公布，相信市民都好想知今年会有咩新猷。特首李家超昨日就话，今年《施政报告》会沿用去年嘅绿色封面，象征希望、生命力同和谐稳定。而宣读报告当日，特首同团队亦会一齐穿戴由香港知专设计学院（HKDI）师生制作嘅绿色领呔同领巾，除咗希望更突出政府嘅「队形」同团结精神，仲另有一番意义。到底系乜呢？
承传中华文化 撑年轻人创意
特首解释，HKDI设计团队嘅灵感，源自中国古代传统历朝纹样，唔同花纹代表中华民族唔同时期嘅文明风貌。团队亦喺传统纹样中加入现代元素，为设计注入新活力，感觉清新，亦有承传中国传统文化嘅象征意义。
佢见到一班年轻人呢个巧妙之作，于是决定联同成个团队一齐支持佢哋，并借此鼓励社会各界，为香港学生同年轻人制造更多机会，发挥创意，尽展所长。小妹都觉，HKDI设计嘅领呔同领巾庄重得嚟又有时尚感，值得支持！
Kelly Chu
更多文章
