KellyChu - 迪士尼新景点下月迎粉丝 Frozen园区好玩到唔舍得走｜Executive日记
KellyChu
2023-10-14 00:00 HKT
字體大小
香港迪士尼乐园Frozen园区下个月20号就正式开幕喇，Kelly幸运地可以喺开幕前率先入园体验，两个新游乐设施「魔雪奇幻之旅」同埋「雪岭滑雪橇」都刺激好玩，阿德尔港畔餐厅嘅北欧美食更令小妹味蕾大满足。
园区以迪士尼经典电影《Frozen》为主题，重塑故事中以古代挪威为背景嘅阿德尔王国。讲到《Frozen》，好多人都会自然谂起《Let It Go》呢首歌，小妹㖊日体验「魔雪奇幻之旅」嘅时候，爱莎公主现身施展冰雪魔法并演唱《Let It Go》，沿途仲遇见其他栩栩如生嘅角色，真系非常精彩震撼。
喺阿德尔森林嘅「雪岭滑雪橇」系一个家庭式过山车，适合大人细路一齐玩，坐上雪橇后可以欣赏到整个王国嘅自然风光，刺激又好玩。玩到攰当然系去医肚，阿德尔港畔餐厅有4款北欧主菜，分别系港畔海鲜烩、小镇芝士火腿鸡肉卷、掌柜秘制羊膝及森林猫耳粉。小妹拣咗香港较少食到嘅羊膝，搭配肉汁，大件夹好味。
阿德尔王国举办夏雪节庆祝活动纪念皇室姐妹之间嘅真爱，所以园区内处处洋溢节庆气氛，游走于小镇同森林之间，都会遇上热情嘅阿德尔居民款待。
Kelly Chu
最Hit
更多文章
