KellyChu - 「煤气绿火焰未来实验室」下月现身中环街市 煤气公司伙小黄鸭主题巴士启程载客｜Executive日记
KellyChu
2023-10-13 00:00 HKT
字體大小
煤气公司一直致力转型成为低碳能源供应商，而为咗推动环保，仲同本地原创人气角色B.Duck小黄鸭合作，推出两架主题巴士，今日起会率先启程接客！小妹就觉得，车身上嘅B.Duck真系cute到爆，佢哋诚邀大家下月到中环街市参加「煤气绿火焰未来实验室」，边玩边学能源科学知识，相信一定好多小朋友捧场！另外，车身亦印有关于煤气公司嘅环保讯息，同市民介绍下公司嘅低碳转型进程。
车身印煤气公司嘅环保讯息
两辆主题巴士今日起至11月13日会喺路上行走，分别系来往西湾河嘉亨湾至中环港澳码头嘅城巴2号线，以及来往坚尼地城至深水埗白田邨嘅城巴104号线。「煤气绿火焰大使」B.Duck化身成为煤气公司工程师同实验室人员，邀请市民下月到「煤气绿火焰未来实验室」，参加亲子展览、STEAM工作坊、古迹文物游等活动；到时完成指定项目，仲可以赢取限量Towngas×B.Duck精品！
煤气公司亦同B.Duck打造一列主题电车，10月24日起会穿梭港岛。大家如果喺街上见到主题巴士同电车，记得影相打卡呀！另外，煤气公司亦借此机会，向公众介绍，依家煤气公司生产嘅人工煤气，其中一半成分系氢气，而从煤气抽取氢气使用，未来有望用作驱动氢能巴士，带动低碳经济。
Kelly Chu
最Hit
更多文章
