KellyChu - 逐步快高长大成「大犬」 网民搞gag「小犬」台风成长路径图｜Executive日记
KellyChu
2023-10-06 00:00 HKT
字體大小
风暴「小犬」嚟紧香港，虽然天文台发出一号戒备信号，不过唔少网民都好淡定，话今次呢个风相当之cute，有一个「最好听嘅台风名」；仲有人帮「小犬」嘅行走路线插图，显示佢点样一步步成长为「大犬」，俘虏咗包括小妹在内一众网民嘅心。
唔少网民都话，「小犬」呢个名咁cute，一啲都唔似破坏力惊人嘅台风；有人仲灵感爆发，喺「小犬」路线图插上多张真实狗狗照，显示佢点样一步步成长为「大犬」，但去到香港，就变咗只温驯嘅「乖犬」；亦有人喺气象图整咗只白色狗仔出嚟，都几似「小犬」真身！
其实自2000年起，国际组织「台风委员会」就用有特色嘅名命名热带气旋，今次「小犬」（Koinu）呢个名，就由日本提供，亦指「小犬星座」，位于宇宙「冬季大三角」。
另外，民建联原定9月8日举行筹款晚宴，不过遇上「世纪黑雨」延期。据悉晚宴会改期到今日举行，唔知会唔会又唔好彩，撞正恶劣天气再延期呢？
Kelly Chu
最Hit
更多文章
