KellyChu - 泳队汪顺 体操张博恒 排球于垚辰 国家队男神耀眼 颜值实力兼备｜Executive日记
KellyChu
2023-09-28 00:00 HKT
字體大小
小妹昨日同大家介绍今届亚运国家队才貌兼备嘅靓女运动员，相信大家睇到眼花缭乱，怦然心动。今日就继续同大家盘点下国家队有咩男神！
首先不得不提嘅，当然系有中国「泳队男神」之称嘅汪顺。29岁嘅汪顺身高1米92，肌肉结实，皮肤白皙，更重要系，样貌神似台湾男星许光汉。喺上周日嘅男子200米个人混合泳决赛，汪顺以打破亚洲纪录夺冠后，激动挥舞双手，向现场观众做出「第一」嘅手势，瞬间迷倒大片粉丝，并且红到去韩国，成为一众韩国女网民嘅「老公」。
讲到健美身材，当然少不了体操队员。年仅23岁嘅张博恒，当仁不让成为新一代「体操王子」。喺前日嘅男子体操个人全能，初赛排名第一嘅张博恒，喺决赛6个单项中，5项排名第一，1项排名第二，最终继团体赛后再夺金。比赛中佢沉著稳定嘅表现，同埋身体优美嘅线条，相信「谋杀」唔少菲林。
今年中国男排取得一面银牌，相信观众对首发嘅28岁「排球男神」于垚辰并唔陌生。人称「中国男排第一帅哥」嘅佢，早于2016年就当选中国男排联赛最受欢迎运动员。
Kelly Chu
更多文章
