KellyChu - 小朋友设计 大朋友改良 茶果岭海滨公园开幕后超受欢迎｜Executive日记
KellyChu
2023-09-04 00:00 HKT
字体大小
茶果岭海滨公园上月底正式开放，大批小朋友入场游玩。但原来咁受欢迎，系有原因。负责工程嘅渠务署就透露，原来佢哋早前揾咗一班小朋友设计游乐设施，发现部分设计可行，于是「小朋友设计，大朋友改良」，成就咗o依家嘅树屋同嬉水区！
茶果岭海滨公园系观塘污水泵房上盖嘅优化工程，占地约1.8公顷，设有凉亭、园景区、草坪、儿童游乐设施及健体设施等，开幕后，好多市民一家大细到场游玩。但原来公园设计另有玄机。渠务署话，工程团队原本只打算将泵房上盖美化成绿化天台，不过署方推展项目前咨询唔同团体，发现大家都希望有更多公共空间，尤其儿童游乐设施，于是决定改建成公园，并举办工作坊，邀请小朋友设计公园设施，了解佢哋梦想中嘅公园系点样。
团队睇过部分小朋友亲手制作嘅游乐设施模型，发现方案真系可行，之后继续完善，最终变成依家园内最大型嘅游乐设施、8米高嘅「亲树平台」，真系做到「小朋友设计，大朋友改良」，令小朋友可以梦想成真！
现时园内有逾60组游乐设施逾，其中亲水花园最受小朋友欢迎。原来，唔少居民都话希望公园有玩水区，于是署方就设计咗呢个花园出嚟！
Kelly Chu
最Hit
杨思琦后悔当年太蠢认爱李泳豪：冇人赞过我好 罕谈与吴帅生女经过 坚拒曝光老公身份
2026-05-19 13:00 HKT
阮小仪老公真面目曝光 《东周刊》独家直击新婚夫妇甜蜜出巡 暖男人夫高大威猛
2026-05-19 10:00 HKT
内地女港铁疑逃票「吊靴鬼」黐实过闸 霸气港女「一个动作」死守防线 结局极度舒适｜Juicy叮
2026-05-19 13:44 HKT
更多文章
