Jacky哥 - 煤气公司响应全国生态日 多重举措促进生态文明建设｜企业热话
李飞帆
2023-08-15 00:00 HKT
字体大小
今日喺国家设立嘅首个「全国生态日」，一直致力保护环境及生态嘅煤气公司梗系积极响应啦！佢哋喺旧年11月就发布咗《气候相关及自然相关指导文件》，成为香港第一间企业发布先行文件，回应「自然相关财务揭露工作小组」（TNFD）框架，而且检视同披露煤气公司及子公司港华智慧能源嘅业务对环境生态及生物多样性构成嘅影响，以及带嚟嘅风险和机遇，见到佢哋对可持续发展真系好有承担啊！
煤气公司今年仲将12个环保附属委员会提升为16个环境、社会及管治（ESG）附属委员会，并将密切关注TNFD喺9月公布嘅最终建议框架，以作出更全面嘅生物多样性汇报。佢哋仲支持唔同嘅活动及计划，希望提升大众对生态文明嘅意识！例如自2017年起与绿惜地球一齐推行「植林优化计划」，喺郊野公园种植本地原生品种树木，提升植林区嘅生态价值同增加生物多样性。煤气公司嚟紧11月仲会举行大型活动，希望教育新一代环保嘅重要性。
重视员工教育
煤气公司都好重视员工嘅教育，喺上月举办咗香港生物多样性博物馆导赏团，等大家欣赏唔同动物嘅标本，了解保护野生物种对人类和生态系统嘅重要价值；最近又举行咗二手义卖活动，鼓励员工捐出未用过嘅物品义卖，将「重用」嘅环保理念推广至工作场所，筹得款项仲会捐畀非牟利团体，好有意义啊！
港华智慧能源喺内地同样积极推动环保工作，旧年就举办咗大型环保推广活动，鼓励员工实践低碳生活，例如单车代步、参与植林及「地球一小时」等活动。另外，公司旧年亦有「蓝碳保护」行动，组织义工到深圳福田红树林生态公园，协助清理园内嘅外来植物品种，保护红树林湿地嘅生态平衡。
Jacky哥
最Hit
更多文章
