邓达智 - 尽情吵闹乡下欢迎你｜智智乐GO

邓达智

2023-08-11 00:00 HKT

阅讀更多

內容

事情发生地点喺富良野，充满日本本国、韩国、台湾、香港及内地游客之薰衣草种植场，另加赏花尔后，还可以大嚼著名甜到飞起北海道蜜瓜加雪糕，无人不爱无人不吃。再不喜欢排队等吃，还是随俗排队15分钟，购得蜜瓜加软雪糕（见图），坐下与同伴拍完Selfie，正准备开口大嚼⋯⋯对面珠圆玉润师奶用广东话大大声划过整个店子空间喊叫：「阿爸，你唔好拎畀我啊，我唔食㗎⋯⋯」咁有亲切感，以为自己返咗香港，事实日本都系香港人嘅乡下，公众场所喧闹嘅做法，系合情合理嘅，面对佢哋唔应该落后到大声小怪嘅！

出外旅游，尤其前往特别受欢迎嘅地区或国度，必须练就一套天真烂漫，想𠮶样做𠮶样，尽情喧哗吵闹嘅童真未泯等等与时并进旅游态度；过去被视为冇规矩、冇家教、冇文化，今时今日呢种旧时被认为粗鄙既行为，先至系普世认同嘅出外旅游态度。放眼望去，坚守过去认为不可思议嘅容忍待客之道，无论如何，依然微笑待客，近孚卑躬屈膝，除了日本，还是日本，难怪不少香港人称呼日本做「乡下」。

二战之后，能有余粮四出旅游，世上旅游业接待就只有第一强国美国嘅子民，粗声粗气系佢哋嘅童真本性，反正大声得嚟又大方，贴士小费最多，谁都不介意，之后才轮到欧洲人。60年代东京奥运以后，日本游客后来居上，大家都欢迎，既大方花费，正常情况态度安静，绝对不会出现无国教、无家教、无文化等等行为，除了一项：饮醉酒嘅日本男人。情绪反常出晒名，尤其咸湿！

近年异军突起，先韩国人。随后内地人、再下来印度人，跟美国人相近，全部出门游玩，处处系乡下，系佢哋自己屋企，总之嗓门喊到有咁大就咁大，这当中点会缺少喧哗程度，位高前茅已变种嘅香港人？

邓达智