曾智华 - 纹身汉vs西装友｜禄禄无穷
曾智华
2023-02-20 00:00 HKT
字体大小
为食鬼，必有一习惯，四围游，凡见附近有乜新开食店，例必帮衬一下，试试有冇料。
呢种尝新做法，通常十间只有三两间得，其他有三两间普普通通。当中，必有三四间根本唔使返转头，只能讲一句：祝佢好运。
最近，小弟居处附近，出现一间小小的烧腊舖。哈，烧腊舖， 十之七八皆大大间，因只有如此才可摆出个吸引阵势，将所有油鸡切鸡、烧鹅烧鸭、烧肉乳鸽……整齐排列，吸引食客。
但呢间小店，只有三几只鸡，一嚿大烧腩，另两只烧鸭挂起，只得咁多，另外，餐牌有鹅翼及乳鸽出售。
好！就帮衬一次。先试半斤烧腩！舖面只由一位金毛扎辫纹身汉负责一脚踢，非常勤恳有礼，手快脚快。
烧肉买返家，即食，咦，掂㖞，皮脆肉有汁，价钱平过土瓜湾街市几间烧腊舖。
就此，我做咗佢半个熟客。再试埋油鸡切鸡，卤水乳鸽及鹅翼。
试匀，两样最正，烧腩及咸蛋（只只标油），其他普普通通矣。不过，年轻师傅仔咁勤力，值得支持。
前日，又去帮衬。咦，过瘾，发觉门口多咗张海报（图），上写——纹身不会让你变成坏人，打领带也不会让你变成好人！
呢区老人家多，对纹身汉多存偏见，可能太多人在门口指指点点，于是老板仔晒张海报出嚟——明智！
曾智华
呢种尝新做法，通常十间只有三两间得，其他有三两间普普通通。当中，必有三四间根本唔使返转头，只能讲一句：祝佢好运。
最近，小弟居处附近，出现一间小小的烧腊舖。哈，烧腊舖， 十之七八皆大大间，因只有如此才可摆出个吸引阵势，将所有油鸡切鸡、烧鹅烧鸭、烧肉乳鸽……整齐排列，吸引食客。
但呢间小店，只有三几只鸡，一嚿大烧腩，另两只烧鸭挂起，只得咁多，另外，餐牌有鹅翼及乳鸽出售。
好！就帮衬一次。先试半斤烧腩！舖面只由一位金毛扎辫纹身汉负责一脚踢，非常勤恳有礼，手快脚快。
烧肉买返家，即食，咦，掂㖞，皮脆肉有汁，价钱平过土瓜湾街市几间烧腊舖。
就此，我做咗佢半个熟客。再试埋油鸡切鸡，卤水乳鸽及鹅翼。
试匀，两样最正，烧腩及咸蛋（只只标油），其他普普通通矣。不过，年轻师傅仔咁勤力，值得支持。
前日，又去帮衬。咦，过瘾，发觉门口多咗张海报（图），上写——纹身不会让你变成坏人，打领带也不会让你变成好人！
呢区老人家多，对纹身汉多存偏见，可能太多人在门口指指点点，于是老板仔晒张海报出嚟——明智！
曾智华
最Hit
更多文章
