曾智华 - 排半年？冇问题！｜禄禄无穷
曾智华
2023-01-11 00:00 HKT
字体大小
香港大小食肆几万间，有人做到喊咁口，又话冇客又话租贵又话难请人，执咗佢好过。
但系，又有上百间日日有条人龙仔喺门口，唔订位必食柠檬。更有不少劲的，声明要轮半年才有位。例如——皇仁旧生会。
呢个世界，一次「死错人」就会，但肯定不会日日「死错人」！排半年都愿，当然有其超级吸引！
我去过两次，写个「服」字，真系觉得排队完全冇问题！不过……最弊，香港如今的变化，分分钟快到令你「Ｏ嘴」。半年后，本来应承出席的，可能已人面全非也。
皇仁旧生会灵魂，正是大厨梁文龙，最擅长做怀旧菜，尤其一煲佛跳墙，你食完肯定立即排队。无他，全香港再冇几多间肯做又做到如此高水准。还有，就是价钱比外间低两成。
点解？又系租金作怪啰。皇仁旧生会自己物业，只做旧生生意，除悭租金外，也悭好多这样那样的使费。
上周终于轮到了，为食鬼一呼百应发去，之前要求我定菜单。
有一味，又系绝少菜馆肯做，因烦到抽筋，正是——虾子柚皮炆鹅掌（图）。
鹅掌只只又大又肥美，较易搞，因取货不难。
但靓柚皮则好难揾。要又肥又厚身，兼且，要炮制成几日才掂，以如今的人工之高， 条数点计得掂？
梁文龙的功力，唔到你唔服㗎！
曾智华
但系，又有上百间日日有条人龙仔喺门口，唔订位必食柠檬。更有不少劲的，声明要轮半年才有位。例如——皇仁旧生会。
呢个世界，一次「死错人」就会，但肯定不会日日「死错人」！排半年都愿，当然有其超级吸引！
我去过两次，写个「服」字，真系觉得排队完全冇问题！不过……最弊，香港如今的变化，分分钟快到令你「Ｏ嘴」。半年后，本来应承出席的，可能已人面全非也。
皇仁旧生会灵魂，正是大厨梁文龙，最擅长做怀旧菜，尤其一煲佛跳墙，你食完肯定立即排队。无他，全香港再冇几多间肯做又做到如此高水准。还有，就是价钱比外间低两成。
点解？又系租金作怪啰。皇仁旧生会自己物业，只做旧生生意，除悭租金外，也悭好多这样那样的使费。
上周终于轮到了，为食鬼一呼百应发去，之前要求我定菜单。
有一味，又系绝少菜馆肯做，因烦到抽筋，正是——虾子柚皮炆鹅掌（图）。
鹅掌只只又大又肥美，较易搞，因取货不难。
但靓柚皮则好难揾。要又肥又厚身，兼且，要炮制成几日才掂，以如今的人工之高， 条数点计得掂？
梁文龙的功力，唔到你唔服㗎！
曾智华
更多文章
