KellyChu - 香港伤残人士体育协会喜迎50周年 精采展览摊位活动源源不绝｜Executive日记
KellyChu
2022-11-09 17:53 HKT
字体大小
香港伤残人士体育协会今年迎来五十周年，协会喺信和集团支持下，十一月至明年二月会喺奥海城、荃新天地及屯门市广场举行「香港伤残人士体育协会五十周年巡回展览」，展示半世纪以来经历嘅机遇、挑战同成就，大家唔好错过！
首场展览上星期六喺奥海城开幕，展出协会成立至今嘅重要里程，以及历代运动员喺各赛事取得嘅奖牌同珍贵纪念品，部份更系首次展出。首站巡回展览即日起至本月十三日喺奥海城举行。而今个星期六日，更会设置乒乓球挑战摊位，等市民同港队青年军砌磋球技。至于第二、三场展览，就会移师往荃新天地同屯门市广场举行，每场展览首日都会邀请运动员分享奋斗经历。
协会主席梁礼贤喺开幕致辞时强调，协会会秉承「承续开创」嘅精神，持续推动残疾人运动嘅长远发展。另外，香港首批残奥运金牌得主曹萍、残奥运射箭运动员危家铨，同轮椅剑击U23世锦赛银牌得主周朗浩，亦现身分享三代人嘅传承故事。
Kelly Chu
更多文章
